زانکۆیا دهۆک، ٦ـی کانوونا ئێکێ، ٢٠٢٥، نڤیسینگەها راگەهاندنا زانکۆیێ |

پشكا زمانێ كوردی ل كۆلیژا زمانان - زانكۆیا دهۆك، كۆربەندەكێ زانستی و ئەدەبی ل ژێر ناڤونیشانێ "كاریگەریا خانی ل سەر رەوشەنبیری و پەروەردەیا نەتەوەییا كوردی" ڕێکئێخست، كو تەەكەزیێ ل سەر پێگیرییا زانكۆیێ ب پاراستنا كەلتوورێ كوردی و پێشئێخستنا دانوستاندنێن ئەكادیمی دكەت.

كۆربەند رۆژا پێنجشەمبی ل هۆلا سیمیناران ل كۆلیژا زمانان ب رێڤەچوو، ب ئامادەبوونا مامۆستا و ڤەكۆلەر و قوتابیێن کۆلیژێ بۆ شرۆڤەكرنا میراتێ هزری و پەروەردەیی یێ ئەحمەدێ خانی. ئەڤ چالاكیە د چارچۆڤێ پلانێن ستراتیژی یێن زانكۆیا دهۆك (٢٠٢٣-٢٠٣٨) دا دێت، ب تایبەتی ئەوێن گرێدای ب ناسنامەیا كەلتووری و ڤەكۆلینێن مرۆڤایەتی.

د كۆربەندی دا، پانێلەكێ تایبەت ب رێڤەبەریا (د. سەگڤان عەبدولرەحمان تاهـە) ژ پشکا زمانێ کوردی، هاتە سازكرن و سێ بابەتێن زانستی ژ لایێ ڤان مامۆستایان ڤە هاتنە پێشكێشكرن:

• د. حسێن عوسمان عەبدولرەحمان( سەرۆکێ پشکا زمانێ فارسی): ل دۆر بابەتێ "ئیستاتیكا مرنێ د (مەم و زین)ا خانی دا" پەیڤی و خواندنەكا ئەدەبی و رەخنەیی بۆ لایەنێن فەلسەفی یێن بەرهەمێ خانی كر.
• م. ئەفراز سلێمان حاجی: بابەتەك ب ناڤونیشانێ "خواندنەكا دەروونناسیا زانینی بۆ (نوبار)ا خانی" شرۆڤە كر، كو تێدا باس بەهایێن پەروەردەیی د دەقێن كلاسیكێن كوردی دا كر.
• . پ. د. شێرزاد شەفیع بابو (ژ زانکۆیا سەلاحەدین-هەولێر): بابەتەك ل دۆر "وەرگێرانا (مەم و زین)ێ، گرنگی و ئاستەنگ" پێشكێش كر کو باس ل ئەزمۆنا خۆ کر د وەرگیرانی دا ژ زمانێ کوردی بۆ زمانی فارسی، و تیشك ئێخستە سەر هویربینیێن زمانەوانی و ڤەگوهاستنا كەلتووری.

ئارمانج ژ ڤی كۆربەندی، كویركرنا تێگەهشتنا ئەكادیمی بوو بۆ بەرهەمێن ئەحمەدێ خانی و ڕۆلێ وی یێ كاریگەر ل سەر هشیاریا نەتەوەیی و پەروەردەیی. هەروەسا زانكۆیا دهۆك ب ڕێكا ئەنجامدانا ڤان جۆرە چالاكیان، بەردەوامە ل سەر ڕۆلێ خۆ وەكو سازیەكا پێشەنگ د وارێ خواندنێن كوردی و پاراستنا كەلتووری دا.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانكۆیێ، ٦ـی کانوونا ئێکێ، ٢٠٢٥
راپۆرت: فاطمە محمود علی
وێنە: هەرمان جانگیر ئەحمەد