پشتى دوو حەفتیێن پرى سمینار و چالاکی و گەریانێن مەیدانى بۆ جهـ و دەڤەرێن جودایێن کوردستانێ، ئەڤرۆ رۆژا ئێکشەمب، رێکەفتى ١٨ـى تەباخێ ٢٠٢٤ـێ، د رێورەسمەکێ تایبەتدا، ل سەرۆکاتیا زانکۆیا دهۆک، و ب ئامادەبوونا د. داود سلێمان ئەترۆشى سەرۆکێ زانکۆیا دهۆک، و د. نەبەز ئیبراهیم هاریکارێ سەرۆکێ زانکۆیێ و سەرۆکێ لژانا سەرپەرشتا پرۆگرامى، و ئەندامێن لژنا سەرپەرشت، پرۆگرامێ هاڤینێ یێ لاوێن کوردێن دیاسپۆرا یێ زانکۆیا دهۆک ب دویماهیهات.

د ڤان رێورەسمان دا، د. دادو سلێمان ئەترۆشى سەرۆکێ زانکۆیا دهۆک، خۆشحالیا خۆ ب دویماهیهاتنا سەرکەفتیانە یا پرۆگرامێ هاڤینێ یێ لاوێن کوردێن دیاسپۆرا یێ زانکۆیا دهۆک دیارکر، و گۆت: بۆ مە وەکو زانکۆیا دهۆک گەلەک یا گرنگە ئاڤەدانى و سەقامگێرى و پێشکەفتن و جوانیا کوردستانێ نیشانى هەوە بدەین، زێدەتر کوردێن دیاسپۆرا ئاشنا زمانە و کلتۆر و پەروەدە و دیرۆکا کوردستانێ بکەین، هەروەسا ئەڤ پرۆگرامێ گرنگێ زانکۆیا دهۆک بویە جهێ خۆشحالیا حکومەتا هەرێما کوردستانێ ژى، ژ بەرکو گەنج و لاوێن ل دیاسپۆرایێ دژین هێزەکا مەزنە بۆ پالپشتیا کوردستانێ ل ئەرۆپا و ئەمریکا.

ل دویف دا، د. نەبەز ئیبراهیم هاریکارێ سەرۆکێ زانکۆیێ و سەرۆکێ لژانا سەرپەرشتا پرۆگرامى، سوپاسیا لاو و مالباتێن پشکدارێن پرۆگرامێ هاڤینێ یێ زانکۆیا دهۆک کر ژبو هاریکارى و پشکداریا وان د ڤی پرۆگرامى دا، هەروەسا گۆت: ئەم د وێ باوەرێ داینە کو سالانە و ب شێوەکێ باشتر و بەرفرەهتر ئەڤ پرۆگرامە ل زانکۆیا دهۆک دێ هێتە ئەنجامدان، ب پشتەڤانیا رێزدار سەەرۆکێ زانکۆیێ و ستافێ سەرپەرشت کو رۆلێ سەرکى هەبوویە د سەرکەفتن و ئەنجامدانا ئەڤی پرۆگرامى، کو بۆ ئێکەم جارە زامکۆیەکا هەرێما کوردستانێ ئەنجامددەت.

پاشى، صالح میرزا ، کو ئێک ژ لاوێن پشکداری پرۆگرامى بوو ژ وەلاتێ نەرویچ، ب گرنژین و کەیفخۆشى ڤە سوپاسیا زانکۆیا دهۆک کر، و گۆت: ب راستى مە باوەر نەدکر کو ئەف پرۆگرامە هند ب شێوەکێ ئەکادیمى و رێکخستى دێ هێتە ئەنجامدان، و ئەم دێ هندە مفایی ژێ وەرگرین، ب تایبەتى ژلایێ زمان و دیرۆک و جهێن شینوارى یێن کوردستانێ.

هەروەسا، ئالان سەمیر، کو ژ وەلاتێ ئەلمانیا پشکداربوو، پێکڤە ژیانا ئاین و نەتەوەیێن جودا یێن هەرێما کوردستانێ سەرنجا وی راکێشابوو ب تایبەتى ل قەزا شێخان پشتى سەرەدانا دێر و مزگەفت و پەرستگەها لالش کرى، دیارکر، کو ل وەلاتێن ئەم لێ دژین ب رەنگەکێ جودا یا مە دیتى کورستان د هزرا مە دا بۆ مە وێنەکریە.

هەر دیسا، فەرهاد حەبوو کو گەنجەکێ کوردە ل وەلاتێ کەنەدا پشکدارە، زانکۆ و ناڤەندێن ئەکادیمى و ب تایبەتى زانکۆیا دهۆک پێشکەفتنێن کوردستانێ ب بوونە جهێ سەرنجاوى.

ل دویماهیێ ژى، ژلایێ سەرۆکێ زانکۆیێ و لژنا سەرپەرشت ڤە، بروانامەیێن پشکداریێ ل سەر پشکدارێن پرۆگرامى ڤە هاتنە دابەشکرن.

هەژی گوتنێ یە، پرۆگرامێ هاڤینێ یێ لاوێن کوردێن دیاسپۆرایێ زانکۆیا دهۆک، ئێکەم جارە ل هەرێما کوردستانێ ل زانکۆیا دهۆک ب چاڤدێریا د. داود سلێمان ئەتروشی سەرۆکێ زانکۆیێ دهێتە ئەنجامدان، و ل رێکەفتێ ٤ـى ئاب ٢٠٢٤ـێ ل زانکۆیا دهۆک دەستپێکریە، ب پشکداریا ١٦ گەنجێن کوردێن ل دەرڤەى کوردستانێ دژین بۆ دەمێ دوو حەفتیا دێ یێ بەردەوامبوو، کو رۆژانە ژ لایێ ماموستایێن پسپۆرێن زانکۆیا دهۆک ڤە ب بەرنامەکێ دارشتى چەندین سمینار و چالاکى و سەرەدان بۆ باژێرێن هەرێما کوردستانێ دهاتەنجامدان.

بۆ دیتنا کار و چالاکیێن پرۆگرامێ هاڤینێ یێن لاوێن کوردێن دیاسپۆرا ٢٠٢٤ یێ زانکۆیا دهۆک، و گرنگیا پرۆگرامى بۆ دەزگەهێن راگەهاندنێ سەرەدانا لینکێن ل خوارێ بکە:

راپورتا کوردستان تیڤى

چافپێکەفتناگاڤ تیڤى دگەل د. خەلیل مستەفا

نوچەکێ ئاژانسا خانى ل دور پرۆگرامى

بەلافکرنا نوجەکى لایێ رێڤەبەریا گشتى یا رەوشەنبیرى و هۆنەرى پارێزگەها دهۆک

جافپێکەفتنا هاریکارێ سەرۆکێ زانکۆیێ ل دور پرۆگرامى دگەل کەنالێ کوردسات نیوز

راپۆرتەکا دەزگەهێ سەتەلایێتا کوردستان تیڤى ل دور سەرەدانا پشکدارێن پرۆگرامێ هاڤینێ یێ لاوێن کوردێن دیاسپۆرایێ بۆ قەزا شێخان و ئەلقۆش

راپورتەکا کوردستان تیفى ل بارزان

راپورتەکا کوردستان تیڤی ل دور سەرەدانا پرۆگرامێ هاڤیێ یێ لاوێن کوردێن دیاسپۆرا

راپورتا ئاژانسا خانى ل دور سەرەدانا ژشکدارێن پرۆگرامى بۆ ێڤەبەرایا شینوارا

راپورتەکا زاگرۆس عەرەبیە ل دوور سەرەدانا پشکدارا بۆ مەزارێ نەمران ل بارزان

#پرۆگرامێ_هاڤینێ_یێ_لاوێن_کورد_زانکۆیا_دهۆک راگەهاندنا زانکۆیا دهۆک؛ ١١ـی تەباخا ٢٠٢٤ـێ.

راگەهاندنا زانکۆیا دهۆک:١٨ـى تەباخێ ٢٠٢٤ـێ.

نڤیسین: حسێن تتمى

فۆتۆ: عەلى بانکى