د هەڤبەشیەکا بێ وێنە دا د ناڤبەرا رێکخراوا نیڤدەولەتی یا کار ورێڤەبەریا ژینگەهێ ل دهۆکێ دگەل ئەکادیمیێن زانکۆیا دهۆک، پڕۆژەکێ ژینگەهی یێ پێشکەفتی ل دهۆک ماڵطا بڕێڤەدچیت. ب سەرۆکاتیا د. جێمس هەیدۆ، ڕاگرێ کولیژا ئەندازیاری، و ب سەرپەرشتیا ماموستایێ تەلارسازی، ئارام عومەر، قۆتابیان ڕۆلەکێ سەرەکی د دیزاین و پلاندانانا پڕوژەی دا گێڕا.

ئەڤ پرۆژە دکەڤیتە سەر جادا بارزان یا بلەز لسەر بیاڤێ ٥٠ هزار مەترێن چارگوشە کو کەسکاتیەکا گەلەک و خزمەتگۆزاریێن سەرەکی وەکی پاركا راوەستاندنا ٢٠٠ ترومبێلان و سێ بیرێن ئاڤێ یێن تێدا، جەخت لسەر بەردەوامی و گەشەپێدانا کۆمەڵگەهێ دکەت. قۆتابیان ڕۆلەکێ مەزن د ڤی پڕۆژێ چاندنا ناوچا دیارکری دا نیشاندایە.

پشتی هەڤڕکیەکا دژوار د ناڤبەرا ٤ گروپان دا کو ١٢ قۆتابی تێدا بوون، تیمەک ژ ٥ قۆتابیێن قۆناغا پینجێ یێن تەلارسازی کو پێکهاتبوون ژ ڕۆژان و هیبا و پەیمان و ئیناس و سیبەر ب سەرکەفتیانە هاتنە ژێگرتن، ب دیزاینێن داهێنەرێن خۆ یێن سەرسامکەر. دەستپێکا ڤی پڕۆژەی د زڤڕیت بۆ ناڤەراستا هەیڤا كاموونا دووێ یا ساڵا ٢٠٢٤ـێ، و د نوکەدا یا بەردەوامە. رۆژا دووشەمبا ٢٠ـی ئەیارا ٢٠٢٤ـێ ریکخراوا نیڤدەولەتیا کار ب ئامادەبوونا ڕاگرێ کۆلیژێ و سەرۆك پشكا تەلارسازی و ماموستایێ تەلارسازی و سەرپەرشتیار و نوینەر و نوینەرێ رێڤەبەریا ژینگەهێ ل دهۆکێ م. حەسەن بامەڕنی. و رێڤەبەرێ پرۆژەی د رێکخراوا نیڤدەولەتیا کار دا، بەرێز بەشار سەمارنە، بەشداریا وانا د ڤی پڕۆژەی خەلات کر وبلند راگرت.

راگەهاندنا زانکۆیا دهۆک، ٢٦ـی گولانێ ٢٠٢٤

فاطمە محمود