زانكۆیا دهۆک، 17ـی ئێلونێ، 2025 | نڤیسینگەها راگەهاندنا زانکۆیێ (UNPO) | کۆلیژا پزیشکیا ڤێتێرنەری (CVTM) ل زانکۆیا دهۆک (UOD) پرۆگرامێ خۆ یێ راهێنانێن هاڤینێ (ژ 1ـی تیرمەهێ – تا 31ـی تەباخێ 2025) بۆ قوتابیێن قۆناغا دەرچوونێ ب سەرکەڤتیانە بدوماهیئینا. ئەڤ پرۆگرامە ب مەرەما پێدانا ئەزموونەکا کرداری و راستەقینە هاتیە دیزاین کرن، و قوتابی ب شیانێن گرنگ یێن کلینیکی، نشتەگوری و دەستنیشانکرنێ چەكدارکرن، کو دگەل پەیاما زانکۆیا دهۆک بۆ ئامادەکرنا دەرچوویان بۆ سەرکەڤتنا پیشەیی و خزمەتا جڤاکی دگونجیت.

پراکتیکا کلینیکی یا کرداری

شەست و نەهـ قوتابی پشكداربوون، کو ل سەر چار گرووپان هاتبوونە دابەشکرن، ب شێوەیەکێ چالاک پشكداری د چارەسەرکرنا کەیسێن جودا دا کرن. وان تاقیكرنەكا زانستی یا تەمام نیشاندا، و ئەو زانینا د خواندنا خۆ دا وەرگرتی بکارئینان. ژ بەرپرسیارەتیێن وان: وەرگرتنا مێژوویا نەخۆشیێ، پشکنینێن کلینیکی، کۆمکرنا نموونەیێن تاقیگەهی، دەستنیشانکرنا نەخۆشیان، و حەتا ئەنجامدانا نەشتەرگەریان ل دەمێ پێدڤی.

سەرەدانێن مەیدانی بۆ فێربوونا کرداری

راهێنانێ هەروەسا چەندین سەرەدانێن مەیدانی یێن گرنگ بۆ جهێن بناڤودەنگ چ دناڤ پارێزگەهێ دا و چ ل دەرڤەیی پارێزگەهێ بخۆڤەگرتن، ژ وانا:

• سەربرخانا سولاڤ بۆ مریشکێن گۆشتی ل باستکێ، ل سەر رێکا زاخۆ.
• کارگەها سەفا بۆ بەرهەمئینانا ئالفی ل کاشێ، ل سەر رێکا زاخۆ.
• کێلگەهێن خودانکرنا چێل، پەز، مریشک و هندەک تەیرێن کێم ل دەڤەرا ئامێدیێ.
• کێلگەها رامی ل دەڤەرا بارزان ل پارێزگەها هەولێرێ.

سەرپەرشتیا ئەکادیمی و رێنمایی

بیست مامۆستایێن زانکۆیێ ژ پشکێن جودا ژ وانا نەشتەرگەری، نەخۆشیێن ناڤخۆیی، زاوزێ، پاتۆلۆژیا کلینیکی، و پەلەوەران—پشکداری د راهێنانێ دا کرن. پرۆگرام ژ لایێ راگرێ کولیژێ، د. محەمەد شوکری شوکر ڤە دهاتە سەرپەرشتی کرن، ب سەرپەرشتیا راستەوخۆ یا سەرۆکا یەكەیا کلینیکی، د. ئەسیل ئەنوەر نەقشەبەندی.

پرۆگرامەکێ خواندنێ یێ ڤێتێرنەری یێ بەرفرەهـ

پرۆگرامێ راهێنانێ بابەتێن هەمەجۆر بخوەڤەدگرتن، وەکو:

• پزیشکیا ناڤخۆیی و خۆپاراستنێ – دەستنیشانکرن و چارەسەرکرنا گیانەوەرێن کێلگەهان.
• پزیشکیا زاوزێ – دەستنیشانکرنا دووگیانیێ، رێڤەبرنا زاوزێ، ڤەگوهاستنا کۆرپەلەی، و چارەسەریێن هۆرمۆنی.
• نەشتەرگەری و بەنجکرن – خەساندن، ژێبرنا هێلکەدان و مالزارۆكی، نەشتەرگەریا ورگێ، بەنجکرن د گیانەوەرێن ناڤمالی و کیڤی دا.
• رێبازێن تاقیگەهی و دەستنیشانکرنێ – زانستێ مشەخۆران، سلامەتیا بایۆلۆژی، دەستنیشانکرنا نەخۆشیێن ڤەگر و وێنەگرتنا ب ئۆلتراسۆندێ.
• بەرهەمێ گیانەوەری و بایۆتەکنۆلۆژی – بەستنا سپێرمان، پیتاندنا دەستکرد، و تەکنۆلۆژیێن بایۆلۆژی یێن زاوزێ.

ئەڤ راهێنانا بەرفرەهـ پێگەهێ زانکۆیا دهۆک وەک سازیەکا پێشەنگ د بوارێ خواندنا ڤێتێرنەری و زانستێن کرداری دا ل هەرێما کوردستانێ بهێزتر کر.

هەلسەنگاندنا دوماهیێ و ئامادەیا قوتابیان

د هەفتیا دوماهیێ دا، قوتابی ل ژێر چاڤدێریا مامۆستایێن خۆ دا د ئەزموونەکا توند دا دەربازبوون. وان دلسۆزی و شیانێن خۆ یێن نایاب د رووبرووبوونا ئاستەنگان دا نیشاندان، و ئامادەییا خۆ بۆ کارێ پیشەیی دیارکرن. بێگۆمان ئەو ئەزموونا وان ژ سەرەدەریکرنا دگەل کەیسان و خودانکاران وەرگرتی دێ بیتە بنەمایەکێ بهێز بۆ ئاواتێن وان یێن پیشەیی یێن پاشەرۆژێ.

گونجاندن دگەل پلانێن ستراتیژی یێن زانکۆیا دهۆک

ئەڤ پرۆگرامە پابەندبوونا بهێز یا زانکۆیا دهۆک ب پلانێن وێ یێن ستراتیژی نیشان ددەت، کو گرنگیێ ب سەرکەڤتنا قوتابیان، خزمەتا جڤاکی، و تێکەلیا جیهانی ددەت، ب تایبەتی د ڤان بواران دا:

• شیانێن دامەزراندنێ و گەشەپێدانا شیانێن قوتابیان
• پشكداریا جڤاکی و ساخلەمیا گشتی
• ڤەگوهاستنا زانینێ و ڤەکۆلینێن کرداری
• ناڤدەولەتیکرن و گەهشتنا ئەکادیمی
• هاریکاریا پیشەسازیێ و کارتێکرنا هەرێمی

ب رێکا ڤێ گونجاندنێ، پرۆگرام نە ب تنێ دەرچوویان بۆ سەرکەڤتنا پیشەیی ئامادە دکەت، بەلکو رۆلێ زانکۆیا دهۆک وەک ناڤەندەکا هەرێمی بۆ خواندنا ڤێتێرنەری، زانستێن کرداری، و گەشەپێدانا جڤاکی ژی بهێزتر دکەت.

ڤێرە كلیك بكە بۆ دیتنا دیمەنان

نڤیسینگەها راگەهاندنا زانكۆیێ، 17ـی ئیلۆنا 2025ـێ
راپۆرتکرن: فاطمە محمود علی، پەیمان فەخری تاهر

پەیڤێن سەرەکی:

• زانکۆیا دهۆک پزیشکیا ڤێتێرنەری
  
• پرۆگرامێ راهێنانێن هاڤینێ ل زانکۆیا دهۆک
  
• خواندنا ڤێتێرنەری ل کوردستانێ
  
• شیانێن دامەزراندنێ و گەشەپێدانا شیانێن قوتابیان ل زانکۆیا دهۆک
  
• ساخلەمیا گیانەوەران و زانستێن ڤێتێرنەری ل عیراقێ