زانکۆیا دهۆک سیمینارەکا زانستی ل دۆر هەڤشێوەیێن زانستێن رژێنان د ناڤبەرا مرۆڤ و گیانەوەران دا رێكدئێخیت.
٤ـی چریا ئێکێ، ٢٠٢٥، نڤیسینگەها راگەهاندنا زانكۆێێ | کۆلیژا پزیشکیا ڤێترنەری ل زانکویا دهۆک ل ڕۆژا سێشەمبی، ٢٩ـی چریا ئێکێ ٢٠٢٥، مێهڤانداریا سیمینارەکا زانستی یا گرنگ کر ب ناڤێ چیرۆکێن گرنگ وسهرنجڕاکێش ژ رهفتار و سیستهمێ زانستێن رژێنان (هۆرمۆنی) د گیانەوەران دا کو هەڤشیوەی مرۆڤی نە، ل چوارچوڤێ هەوڵێن ب هێزکرنا ڤەکۆلینێن زانستی و ئالوگۆڕکرنا شارەزاییان
سیمینار ژ لایێ د. بیار أحمد قاسم ڤە هاتە پێشکێشکرن، مامۆستایێ كۆلیژا پزیشكی ل زانكۆیا دهۆك و وانەبێژێ فەخری ل زانكۆیا باشوورێ وەیلز ل بریتانیا.
خالێن گرنگ یێن سێمینارێ:
- ژمارەکا كەیسێن گرنگ ل زانستێ رژێنێن گیانەزەران هاتنە شرۆڤەكرن یێن گرێدای ب تێگەهشتن و ساخلەمیا مرۆڤی و نەخۆشیێن وان.
- رۆلێ سەرەکی یێ هۆرمۆنێن (Thyroid) دگوهۆڕینا قازمان (Metamorphosis) دا.
- چاوانیا رێکخستنا ئەنسۆلین و لێپتینێ بۆ پرۆسەیا (Metabolism) ل (هرچان) د دەمێ خەوا زڤستانێ دا.
- پەیوەندیا د ناڤبەرا هێدی لێدانا دلى و کۆنترۆلا هۆرمۆنی و درێژبوونا تەمەنی دا ل سەرانسەری جۆرێن جودا یێن گیانەوەران.
ژمارەکا بەرچاڤ یا قوتابیان ومامۆستایان ئامادەبوون و ل دوماهیا سێیینارێ، دکتۆر محمد شکری شکر راگرێ کولیژێ سوپاسیا دکتور بەیاری و هەمی ئامادەبوویان کر. و دەرفەت ب فەر دیت بۆ ئاراستەکرنا پەیامەکا بەرپرسیار بۆ قوتابیان و مامۆستایان، بو بانگهێشتنا هەلبژارتنێن پەرلەمانێ ئیراقێ د ڤی دەمێ هەستیار دا ، و ب وژدان ئەركێ بەرپرسیارەتیا پشكداریا چالاک بێخنە ستوویێ خو وکەس و کارێن خو، وهەر وەسا لیستا پاراستن و خزمەتگوزاریێن کوردستانى ب هەلبژێرن.
گونجادن دگەل پلانا ستراتیژی یا زانکۆیا دهۆک (٢٠٢٣-٢٠٣٠)
ئەڤ سیمینارا زانستی ب نێزیکی دگەل پلانا ستراتیژی یا زانکۆیا دهۆک (٢٠٢٣-٢٠٣٠) دگونجیت، ب تایبەتی ئارمانجێن وێ بۆ:
- پشتەڤانیکرنا زیرەکی و داهێنانێ د ڤەکۆلینێن زانستی و پزیشکی دا.
- هانتدانا هەڤکاریا ناڤبەرا پسپۆرییان کو ساخلەمیا گیانەوەران و پزیشکیا مرۆڤی، و بەردەوامیا ژینگەهێ ب ئێکڤە گرێددەت.
ڤێرە کلیک بکە بۆ دیتنا وێنەیان
نڤیسینگەها راگەهاندنا زانكۆێێ، ٤ـی چریا دووێ، ٢٠٢٥
راپۆرت: فاطمە محمود علی، پەیمان فەخری تاهر
پەیڤێن سەرەکی
- کۆلیژاپزیشكیا ڤێتێرنەری یا زانکۆیا دهۆک
- پرۆفیسۆر د. بیار ئەحمەد قاسم
- ڤەکۆلینێن زانستێ رژێنان و گیانەوەران
- هەڤکاریا زانکۆیا باشوورێ وەیلز
- پلانا ستراتیژی یا زانکۆیا دهۆک ٢٠٢٣-٢٠٣٠