زانکۆیا دهۆک، 1ـی ئیلۆنا 2025 – نڤیسینگەها راگەهاندنا زانکۆیێ (UNPO) | پشکا ماتماتیک ل کۆلیژا زانست، زانکۆیا دهۆک (UOD)، ب هەڤکاریا کۆمەلا بیرکاریێ یا عیراقی و سەنتەرێ ئەنوار بۆ گەشەپێدان و پەروەردێ، وۆرکشۆپەکا زانستی ب ناڤونیشانێ: "بیرکاری زیرەکیا دەستکرد دروست دکەت، و زیرەکیا دەستکرد خزمەتا دۆمداریێ دکەت" رێکئێخست.
وۆرکشۆپ ل هۆلا سیمیناران ل کۆلیژا زانست ب ئامادەبوونا بەرێز د. محەمەد عەزیز ئیراهیم، راگرێ کۆلیژا زانست، و د. نارین سەبیح موحەمەد، سەرۆکا پشکا ماتماتیک دگەل مامۆستا، و ڤەکۆلەران هاتە ئەنجامدان.
رێکخستنا چالاکیێ ژ لایێ د. ئەزهار حەسەن سلۆ، د. هودا یونس نەجم، شێرزاد محەمەد عەجیل، ئەسما موحیەدین عەبدولڕەحمان، و دلشاد جوندی خەلات ڤە هاتبوو کرن.

وۆرکشۆپێ رۆلێ گرنگێ بیرکاریێ وەک بنگەهێ زیرەکیا دەستکرد (AI) دیارکر، کو تیۆری و رێبازێن بنەمایی بۆ ئەلگۆریتمان، مۆدێلکرنێ، و پرۆسەسێن بڕیاردانێ د سیستەمێن AI یێن نوو دا دابین دکەت. گۆتۆبێژان گرنگی دان ب چەوانیا هاریکاریا AI بۆ دۆمداریێ، ب تایبەتی د بوارێن وەک رێڤەبرنا ژیرانە یا سەرچاوان، چاڤدێریا ژینگەهێ، و نویگەرییا پەروەردەیی.

ئارمانجێن ڤێ ڤەکۆلینێ ئەڤەبوون:

• رۆلێ گرنگێ بیرکاریێ د گەشەپێدانا AI دا نیشان بدەت.
• ڤەکۆلین ل سەر بکارئینانێن AI بکەت یێن کو دۆمداریێ ب هێز دکەن.
• هەڤکاریا د ناڤبەرا بیرکاری، AI، و بوارێن دۆمداریێ دا هان بدەت.
• قوتابی و ڤەکۆلەران هان بدەت بۆ ڤەکۆلینێن ئیتیكی و کارتێکەرێن AI.

وۆرکشۆپ رەنگڤەدانا دیدگەها ستراتیجی یا زانکۆیا دهۆکە بۆ پێشخستنا ڤەکۆلینێن پێشکەڤتی، هەڤکاریا بوارێن جودا، و گەشەپێدانا بەردەوام. هەروەسا نیشان ددەت کا چەوا دەستپێشخەریێن ئەکادیمی دشێن ب شێوەیەکێ راستەوخۆ پشتەڤانیا ئارمانجێن گەشەپێدانا بەردەوام یێن نەتەوەیێن ئێگرتی (SDGs) بکەن د هەمان دەم دا هاریکاریا پێشکە؟تنا زانستی یا عیراقێ و هەرێما کوردستانێ بکەن.

ڤێرە كلیك بكە بۆ دیتنا دیمەنان

نڤیسینگەها راگەهاندنا زانكۆیێ، 1ـی ئیلۆنا 2025ـێ
راپۆرت: فاطمە محمود علی" نیژین عەبدولرەزاق عەلی
وێنەگرتن: ریاض رەمەزان ئەمین