زانکۆیا دهۆک، ١٨ـی تیرمەها ٢٠٢٥ | نڤیسینگەها راگەهاندنا زانکۆیێ (UNPO) -زانکۆیا دهۆک وێنەگرتنەکا فەرمی بۆ دەرچوونا قوتابیێن کۆلیژا دەرمانسازی یێن سالا ٢٠٢٤-٢٠٢٥ گێرا، قوتابیێن شاناز، مامۆستا، و خێزان کۆمبوون بۆ نیشاندانا چرکەسەتەکا گرنگ د ژیانا نڤشێ داهاتی یێ دەرمانسازان دا.

دەربارەی کۆلیژێ

کۆلیژا دەرمانسازی ل سالا ٢٠٠٩-٢٠١٠ هاتە دامەزراندن وەک بەرسڤەک ل سەر پێدڤیا دەڤەرێ بۆ پیشەوەرێن دەرمانسازی یێن شارەزا، رۆلەکی سەرەکی د پێشڤەبرنا تەندروستیا گشتی ل دهۆک و هەرێما کوردستانێ دا دگێڕیت. قوتابی پرۆگرامەکێ پێنج سالی یێ بەکالۆریۆسێ زانستێن دەرمانسازی تەمام دکەن کو ڕاهێنانا ئەکادیمی یا چر دگەل پەروەردا پراکتیکی د نەخۆشخانە و کلینیکان دا د بن چاڤدێریا ڕێڤەبەریا تەندروستیا پارێزگەها دهۆک تێکەل دکەت.

کۆلیژ ڤان لقێن ئەکادیمی بخۆڤەدگریت :

• زانستێن بنەرەتی
• دەرمانسازیا کلینیکی
• کیمیایا دەرمانسازی
• دەرمانسازی
• فارماکۆلۆجی

چاڤەرێكرنا پیشەیی

دەرچووی نۆکە دئامادەنە بۆ کارکرنێ د گەلەک پشکێن تەندروستیێ دا ژ وان دەرمانخانەیێن گشتی، نەخۆشخانە، تاقیگەهێن دەرمانسازیێ، کارگەهێن بەرهەمئینانا دەرمانان، و خزمەتگوزاریێن پەروەردا تەندروستیێ. گەلەکان ژی پلان هەیە بۆ دویڤچوونا خواندنا بلند یان پشکداریکرن د ڤەکۆلین و داهێنانان دا بۆ چارەسەرکرنا داخوازیێن تەندروستی یێن زێدەبووی.

خالێن گرنگ یێن هەلکەڤـتێ:

هەلکەڤتێ کەشا دەستکەڤتن و گەشەکرنێ بخۆڤەگرت، پڕ ژ چرکەساتێن دلسۆزانە دگەل خێزانان.

ڤێرە کلیک بکە بۆ دیتنا گالەریا وێنەیێن دەرچوونێ

نڤیسینگەها راگەهاندنا زانکۆیێ، ١٨ـی تیرمەها ٢٠٢٥ـێ

راپۆرت ژ لایێ: فاطمة محمود علی
وێنەگرتن ژ لایێ: علی حبیب حبیب، محمد عەبدولکەریم تاهر، هەرمان جانگیر ئەحمەد

بۆ گەرا قوتابیێن ٢٠٢٤-٢٠٢٥ - داهاتیێ دەرمانسازیێ ژ ڤێرێ دەستپێدکەت!