ل ڕۆژ شەمبی، رێكەفتی، 30ـی چریا دووێ، 2024، زێدەر ژ300 قوتابی و ئەندامێن ستافێ کۆلیژا زمانان ل زانکۆیا دهۆک پشكداری كرن ل گەشتەكا بهێز دا ل دەڤەرا سەرنجراكێشا زاویتە ل پارێزگەها دهۆکێ.

د چالاكیێ دا، پشكدار بۆ رێرەوێ ٥ کیلۆمەتران برێڤەچوون، کو ڕێك ب پشكداران دا خۆشیێ ژ سەقایێ فێنك و زڤستانی و دیمەنێن سروشتیێن زاویتە وەربگرن. پشتی گەشتێ ژی، ئامادەبوویان بۆ زنجیرەیەكا یاری و چالاکیێن کارلێککاری کۆمبوون و کەشەكێ زیندی و سەرنجڕاکێش دروستكرن.

د. ئەبوعوبەیدە عەبدولڵا دیاب، ڕاگرێ کۆلیژا زمانان، باس ل ئارمانجێن بەرفرەهێن چالاکیێ کر و گۆت: "گەشتا مە بۆ بۆ زاویتە بۆ هاندانا خۆشگوزەرانیا جەستەیی، بهێزکرنا پەیوەندیان د ناڤبەرا قوتابیان و مامۆستایان، و بەرفرەهكرنا پەیوەندیا مە دگەل سروشتی بوو. دەرفەتەک بوو بۆ هەمیان کو بدەركەڤن ژدەرڤەی هۆلێن خواندنێ و پشكداری تشتەكێ نووی ببن."

بەڕێز سەگڤان محەمەد عەلی ئەحمەد، سەرۆکێ لیژنا ڕێکخەر، دیاركر: "ئەڤێ گەشتێ دەرفەتەک بۆ پشكداران پەیداكر بۆ گەڕیانێ د ناڤ جوانیا دیمەنێن زاویتە دا، ژ وانا ژی گر و چیا و دارستانێن سنەوبەر. دەرفەتەک پەیدا كر بۆ ئارامگرتن و دوویركەفتنێ ژ ڕۆتینێن ئەکادیمی و دروستکرنا کارێ تیمی و ل هەمان دەم دا دروستکرنا بیرهاتنێن بەردەوام ل جهەكێ ئیلهامبەخش ل دەرڤە."

گەلەك ژ قوتابیێن پشكدار ژی ئەڤ چالاكیە بلند نرخاندن و ئاماژە ب کاریگەریێن ئەرێنیێن وێ ل سەر خۆشگوزەرانیا خو کرن. ئەڤ چالاكیە نە یتنێ بێهنڤەدانەكا تازەگەری ژ خواندنێ دابین کر بەڵکو پەیوەندیێن بهێزتر د ناڤبەرا قوتابیان و مامۆستایان دا ئاڤاكر. بۆ زۆر کەسان، ئەڤێ ئەزموونێ کاریگەرییەکا بەردەوام ل پشت خو هێلا، و رۆناهی ئێخستە سەر گرنگیا ئەڤان جۆرە چالاکیان د پەرەپێدانا ساخلەمیا دەروونی و جەستەیی دا، هەروەسا، ئاڤاكرنا هەستەكێ بهێزترێ کۆمەڵایەتی د ناڤ زانکۆیێ دا.

چەند دیمەنەک ژ گەریانێ

https://youtube.com/shorts/UrtLSK5k7aA?si=GnxGMDJmUePp_Dj8

راگەهاندنا زانكۆیا دهۆك،1ـی كانوونا ئێكێ، 2024

عسمەت خابوور و هیزل هیدایەت

وەرگێران: فاطمة محمود

فۆتۆ: محەمەد عەبدولکەریم و هەرمان جانگیر