ژ بۆ بهێزتركرنا رۆلێ زانینێ د ناڤ جڤاكی دا و ب تایبەتی شارەزاییا زمانی وپەیوەندیكرنێ، كۆلیژا زمانان ل زانكۆیا دهۆك خۆلەكا تایبەت ب فێركرنا زمانێ فارسی ڤەكریە بۆ مامۆستا وفەرمانبەر و كەسانێن ژدەرڤەی زانكۆیێ.

ئەڤ خۆلە یا كو ل 1ـی تەباخێ، 2024، دەستپێكری تاكو 1ـی ئێلونا 2024 دێ یا بەردەوام بیت و هەفتیانە سێ رۆژا دێ برێڤەچیت. د ڤێ خۆلێ دا، 12 كەس ژ هەردوو رەگەزان پشكدارن. ژ هەژی ئاماژەدانێ یە، كو ئەڤ خۆلە تەكەزێ ل سەر چار بنەمایێن فێربوونا زمانی دكەت ئەو ژی خواندن، نڤیسین، گۆهدان، وئاخفتن.

دیسان، ئەڤ خۆلە ب سەرپەرشتیا دوو مامۆستایێن كۆلیژا زمانان برێڤەدچیت ئەو ژی، د. حەلیمە خۆرشید و مامۆستا زیرەك عوبەید. د ڤێ خۆلێ دا پشكدار ب شێوەكێ ئەكادیمی فێری زمانی دبن وشارەزایی وشیانێن زمانێ فارسی وەردگرن.

راگەهاندنا زانكۆیا دهۆك، 21ـی تەباخا 2024

فاطمة محمود