زانکۆیا دهۆک، ٣١ـی تیرمەها ٢٠٢٥ـێ، نڤیسینگەها راگەهاندنا زانکۆیێ (UNPO) | د چرکەسەتەکا ئیلهامبەخش دا، زانكۆیا دهۆك وێنەگرتنا دەرچوونێ بۆ قوتابیێن سالا خواندنێ ٢٠٢٤-٢٠٢٥ یێن كۆلیژا یاسا برێڤەبر. کۆمبوون وەک رێزگرتنەك بوو بۆ سالێن خواندنا یاسایی و گەشەپێدانا تاکەکەسی ل زانكۆیێ.

کەلەپۆرەک ژ پەروەردا یاسایی

کۆلیژا یاسا کو ل سالا خواندنێ ١٩٩٧-١٩٩٨ وەک پشکەک د ناڤ کۆلیژا کارگێڕی و ئابووری دا هاتبوو دامەزراندن، ل سالا ١٩٩٩ بوو دامەزراوەیەکا ئەکادیمی یا سەربەخۆ و ژ وی دەمی و تا نۆكە بوویە ئێک ژ بنگەهێن سەرەكی ل هەرێمێ بۆ خواندنێن یاسایی و سیاسی. کۆلیژ کو دكەڤیتە کەمپوسا مالتا یا زانکۆیا دهۆک ، باوەرناما باکالۆریۆسێ د یاسا و زانستێن سیاسی دا پێشکێش دکەت، و هەروەسا پرۆگرامێن ماستەر و دکتۆرا د بیاڤێن وەک یاسا تایبەت، یاسا گشتی، مافێن مرۆڤی، و چارەسەرکرنا ملمڵانێیان بخۆڤەدگریت.

ب هژمارا ٤٣٧ قوتابی د دوو پشکان دا و دەستەیەکا ئەکادیمی یا بەرفرەهـ یا ژ ٥١ وانەبێژان پێكدهێت، کۆلیژ وەک چرایەک بۆ پەروەردا لایەنگیر یا دادپەروەریێ ل هەرێما کوردستانێ ڕاوەستیایە. هەتا نۆکە، زێدەتر ژ ١٣٦٠ قوتابی دەرچووینە، و چوونە خزمەتا دادگەهان، دامەزراوەیێن حکومی، کلینیکێن یاسایی، و رێکخراوێن جڤاكێ سڤیل.

سەرکردەیێن یاسایی یێن پاشەرۆژێ

وێنەگرتنا ئەڤ سالە قوتابیێن ئامادە بۆ پشكداریكرن د بیاڤێن وەک خزمەتا دادوەری، پارێزڤانیا یاسایی، کارگێڕیا گشتی، مافێن مرۆڤی، و دیپلۆماسی نیشاندا. گەلەک ژ وان قوتابیان پشكداری د کلینیکا یاسایی یا کۆلیژێ دا کرینە، کو ڕاهێنانا جیهانا ڕاستەقینە د بوارێن نوینەرایەتیا یاسایی، شرۆڤەکرنا کەیسان، و پرۆسێسێن دادگەهان دا پێشکێش دکەت. ئەڤ ئەزموونە، دگەل پشكداریكرن د سەنتەرێ ڤەکۆلینێن یاسایی و رامیاری و سەنتەرێ دیموکراسیێ و مافێن مرۆڤی دا، دەرچووی ئامادەکرینە بۆ هەردوو رۆلێن کەرتێ گشتی و کارێن رێکخراوێن نا-حکومی.

چیرۆکەکا مەزنتر ژ باوەرنامێ

وێنەگرتنێ قوتابیێن دەرچووی و مامۆستا د کەشەکێ خۆشیێ و شانازیێ دا کۆم کرن. ئەڤ رۆژە نە ب تنێ دەستکەڤنەكا پەروەردەیی بوو، بەلکو ئامادەباشی بوو بۆ پاراستنا یاسایێ، پارێزڤانیکرن ل مافێن مرۆڤی، و خزمەتکرنا جڤاكی.

گالەریا وێنەیێن قوتابیان ببینە

ئەم قوتابی، دەرچووی، و هەڤالێن كۆلیژێ هانددەین کو گالەریا وێنەیان ببینن و سەركەڤتنا پارێزەرێن پاشەرۆژێ پارڤەبكەن.

ڤێرە كلیك بكە بۆ دیتنا گالەریا وێنەیێن دەرچوونێ
زانیاریێن زێدەتر دەربارەی پرۆگرامێن کۆلیژا یاسا ل ڤێرە بزانە

نڤیسینگەها راگەهاندنا زانكۆیێ، ٣١ـی تیرمەها ٢٠٢٥ـێ
راپۆرت ژ لایێ: فاطمە محمود علی
وێنەگرتن ژ لایێ: عەلی حەبیب حەبیب، محەمەد عەبولکەریم تاهر، هەرمان جانگیر ئەحمەد