زانكۆیا دهۆك، تەباخا ٢٠٢٦ | نڤیسینگەها راگەهاندنا زانكۆیێ (UNPO) – كۆلیژا ئەندازیاری ل زانكۆیا دهۆك ب رێیا وێنەگرتنا دەرچوونێ، ب دوماهی هاتنا سالێن خواندنێ، فێربوونا پراكتیكی و گەشەكرنا كەسایەتی یا گەرا ٢٠٢٦ پیرۆز كر.

بنیاتەك بۆ سەركەڤتنا ئەندازیاری

وەك ئێك ژ كەڤنترین كۆلیژێن زانكۆیا دهۆك، كۆلیژا ئەندازیاری پتر ژ ١٣٥٠ قوتابیێن بەكالۆریۆس و خواندنا بلند، ١٢٣ مامۆستا، و٢٢ تاقیگەهێن ڤەكۆلینێ و فێربوونێ بخۆڤەدگریت. كۆلیژا ناڤبری باوەرنامێن

بەكالۆریۆس، ماستەر و دكتۆرا د پێنج پشكێن زانستی دا پێشكێش دكەت، كو تێدا بنیاتێ تەقنی یێ ب هێز و شارەزاییا پراكتیكی یا پێدڤی بۆ بازاری كاری یێ سەردەم دهێتە دابینكرن. سیستەمێ خواندنێ ل كۆلیژێ ل سەر بنیاتێ قوتابی ئاڤا بوویە، ب گرنگیدان ب داهێنان، هزرا رەخنەگرانە، دیزاین، چارەسەركرنا كێشەیا، و كارێ ب كۆم.

بەرهەڤكرنا دەرچوویان بۆ بوارێن جودا یێن ئەندازیاریێ

قوتابیێن دەرچووی شارەزایی د بوارێن ئەندازیاریا تەلارسازی، شارستانی، كارەبا و كومپیوتەر، و میكانیك دا

بدەستخستینە. رێیا وان یا كاری د پاشەرۆژێ دا دێ د وارێن ئاڤاكرن، ژێرخانە، دیزاینا تەلارسازی، گەهاندن، سۆفتوێر و ژیرییا دەستكرد (AI)، سیستەمێن وزێ و پیشەسازیێ دا بیت. كۆلیژ هەروەسا پشتەڤانیا قوتابیان دكەت بۆ بەرهەڤكرنا وان بۆ كاری ب رێیا راهێنانێن هاڤینێ یێن نەچاری، و "رۆژا دیزاینا ئەندازیاری" یا سالانە، و هەڤپشكیێن ناڤدەولەتی.

دەنگێ دەرچوویان

بۆ قوتابیان، ئەڤ گەشتە ب تنێ وەرگرتنا یاوەرنامەكی نەبوو، بەلكو ئاڤاكرنا باوەریێ و شیانێن بدەستڤەئینانا ئارمانجان بوو.

- دەرچوویەكێ ئەندازیاریا تەلارسازی: دیار كر كو كۆلیژێ هاریكاریا وان كریە دا كو ل گەشەكرنا تەلارسازیێ بگەهن، و پەیاما وی بۆ قوتابیێن نوو ئەوە كو "باش بخوینن".

- دەرچوویەكێ ئەندازیاریا شارستانی: ئەڤ ئەزمۆنە ب زەحمەت بەلێ ب مفا وەسف كر، و دیار كر كو ئارمانجا وی ئەوە خواندنا ماستەر و دكتۆرایێ تەمام بكەت و ببیتە مامۆستایێ زانكۆیێ.

- دەرچوویەكێ ئەندازیاریا كارەبا و كومپیوتەر: باس ل پێشئێخستنا لایەنێ پرۆگرامسازی و ژیرییا دەستكرد كر، و ئامۆژگاریا قوتابیان كر كو هەردەم ل دویڤ زانستێ نوی بگەرن و ل دەرڤەی پۆلێ ژی كار بكەن.

- دەرچوویەكێ ئەندازیاریا میكانیك: گرنگیا پرۆژەیێن پراكتیكی د گوهۆرینا زانیاریێن تیۆری بۆ چارەسەریێن راستی دا دیار كر.

قۆناغەكا نوی و دەسپێكەكا نوی

وێنەگرتنا دەرچوونێ نە ب تنێ ساتەك بوو، بەلكو نیشاندانا وێ رێیێ بوو یا كو قوتابیان ب ماندیبوون و سەركەڤتن بڕی. دگەل پێنگاڤ هاڤێژتن بەرەڤ كاری یان خواندنا بلند، گەرا ٢٠٢٦ زانیاری و شارەزاییا كۆلیژا ئەندازیاری دگەل خۆ دبەن.

بۆ دیتنا گالەریا وێنەیێن دەرچوونێ ل ڤێرێ كلیك بكە

نڤیسینگەها راگەهاندنا زانكۆیێ، (UNPO)، تەباخا ٢٠٢٦
راپۆرت: فاطمە محمود عەلی، ئازا هانی

وێنەگرتن: عەلی حەبیب حەبیب، محەمەد ع. تاهر، هەرمان جانگیر ئەحمەد،

مێهڤان م. سالح