زانکۆیا دهۆک | تەباخا ٢٠٢٦، نڤیسینگەها ڕاگەهاندنا زانکۆیێ (UNPO) – زانکۆیا دهۆک بەردەوامە ل سەر بهێزخستنا پەیوەندیێن خۆ یێن ئەکادیمی یێن ناڤدەولەتی و پێشخستنا ئالۆگۆڕکرنا زانین و شارەزاییان د بوارێن ستراتیژی یێن گرنگ بۆ گەشەپێدانا بەردەوام. وەک پشکەک ژ ڤان بزاڤان، دوو ئەکادیمی ژ کۆلێژا زانستێن ئەندازیارییا چاندنێ پشکداری د پرۆگرامەکێ ڕاهێنانێ یێ ناڤدەولەتی یێ تایبەتمەند دا ل کۆمارا گەل یا چینێ کر، کو تیشک ئێخستە سەر چاندنا ئەردێن هشك، ئاڤدانا کێم-ئاڤ، و بڕێڤەبرنا دۆمدار یا سەرچاوەیان.

د. زێرەڤان عارف عەبدوللا و د. ڕزگار ئدریس سەعد، ژ کۆلێژا زانستێن ئەندازیاریا چاندنێ (CAES) ل زانکۆیا دهۆک، پشکداری د خولەکا ڕاهێنانێ یا ناڤدەولەتی و تایبەتمەند دا کر کو ل کۆمپانیا یانگلینگ بۆ هەڤکاریا ناڤدەولەتی یا چاندنا سەردەمیانە (یا سنووردار) ل باژێڕێ شیان، یانگلینگ، پارێزگەها شەنشی ل کۆمارا گەل یا چینێ هاتبوو سازکرن. ئەڤ پرۆگرامە کو ب ناڤێ "چاندنا ئەردێن هشک و ئاڤدانا کێم-ئاڤ د وەلاتێن تازەپێگەهشتی دا" بوو، ژمارەیەکا پسپۆر و ڤەکۆلەرێن بواری چاندنێ ژ چەندین وەلاتێن تازەپێگەهشتی کۆم کرن بۆ ئالۆگۆڕکرنا شارەزاییان و دیتنا چارەسەریێن داهێنەرانە یێن چاندنێ.

ڕاهێنان ل دۆر ئاڤدانا کێم-ئاڤ و چاندنا هویر

ئەڤ ڕاهێنانە، کو ل ٢-٢٠ـی تیرەها ٢٠٢٦ـێ بڕێڤەچوو، تیشک ئێخستە سەر پێدانا شیانێن پراکتیکی یێن پێشکەڤتی و زانینێن تیۆری ب پشکداربوویان د بوارێ چاندنا هویر (Precision Agriculture)، تەکنۆلۆژیایێن ئاڤدانا کێم-ئاڤ، و بڕێڤەبرنا دۆمدار یا سەرچاوەیێن ئاڤ و ئاخێ دا. شاندێ زانکۆیا

دهۆک دەلیڤە هەبوو کو مۆدێلێن پێشەنگ یێن چینێ و ئەزموونێن سەرکەڤتی یێن چاندنا هشک بخوینیت، کو هاتینە داڕێژتن بۆ زێدەکرنا کاراییێ د ژینگەهێن هشک و نیڤ-هشک دا.

بهێزکرنا هەڤکاریا ئەکادیمی و ڤەکۆلینا ناڤدەولەتی

زێدەباری پرۆگرامێ تەکنیکی، ئەڤ پرۆگرامە وەک پلاتفۆرمەکا گرنگ بۆ هەڤکاریا ئەکادیمی و ڤەکۆلینێ یا ناڤدەولەتی خزمەت کر. نوینەرێن زانکۆیا دهۆک لگەل پسپۆرێن جیهانی دانوستاندن ل سەر پێشهاتێن زانستی و دیتنا ڕێیێن هەڤپشک بۆ بڕێڤەبرنا دۆمدار یا سەرچاوەیان کرن.

ڤەگۆهاستنا زانینێ و کارتێکرنا پاشەڕۆژێ

دهێتە چاڤەڕێکرن کو ئەو زانین و شارەزاییێن د ڤێ ڕاهێنانێ دا هاتینە وەرگرتن، ب شێوەیەکێ بەرچاڤ مێتۆدێن وانەگۆتنێ یێن زانکۆیێ و بەرهەمێ ڤەکۆلینێن زانستی پێشبێخن. هەروەسا، ئەزمۆنا شاندی دێ پشتەڤانیێ ل

پێشخستنا پراکتیکێن سەردەمیانە یێن ئاڤدانێ و سیستەمێن چاندنێ یێن بەردەوام ل هەرێما کوردستانێ و عیراقێ کەت، کو دێ ستراتیژییەتێن گرنگ بۆ باشترکرنا کارایی یا بکارئینانا ئاڤێ و چارەسەرکرنا ئاریشەیێن گران یێن کێمئاڤیێ و گۆهڕینا سەقای دابین کەت.

پشتەڤانیکرن ل پێشینەیێن ستراتیژی یێن زانکۆیا دهۆک

پشکداریکرنا ئەکادیمیێن زانکۆیا دهۆک د ڤێ ڕاهێنانا ناڤدەولەتی دا، پێگیرییا زانکۆیێ دیار دکەت بۆ پێشخستنا

پێشینەیێن خۆ یێن ستراتیژی ب ڕێیا تێکەلبوونا ئەکادیمی یا ناڤدەولەتی، پێشخستنا ڤەکۆلینان، ئالۆگۆڕکرنا زانینێ، و چارەسەریێن دۆمدار بۆ ئاریشەیێن دەڤەرێ.

ڤێرە کلیک بکە بۆ دیتنا وێنەیان

نڤیسینگەها ڕاگەهاندنا زانکۆیێ، تەباخا ٢٠٢٦
ئامادەکرن: فاطمە محمود عەلی، سیپەل محەمەد تاهر