ب بەرهەفبوونا سەرۆكێ‌ زانكۆیا دهۆك پ.د. مسلح محەمەد سەعید دهۆكی و چەندین سیاستمەدار و هونەرمەند و مامۆستا و قۆتابیێن زانكۆیا دهۆك، شەشەمین پیشانگەها سالانە یا پشكا هۆنەرێن شێوەكاری ل كولیژا زانستێن مرۆڤایەتی ل زانكۆیا دهۆك لژێر دروشمێ‌ "هۆنەر ژبۆ هیڤیێن گەشتر" هاتە نمایشكرن.

پ.ه.د. كەرەڤان محەمەد ئەحمەد، راگرێ‌ كولیژا زانستێن مرۆڤایەتی گۆت:" ل هەر سال ل هەیڤا گۆلانێ‌، قۆتابی و مامۆستایێن پشكا شێوەكاری رادبن ب دروستكرنا جوانترین و باشترین كەڤالێن شێوەكاری، كۆ دەربرینەكا مرۆڤایەتی ژهەمی لایەنێن ژیانێ‌ دڤان كەڤالاندا دكەن".

پ.ه.د. كەرەڤان محەمەد ئەحمەد خۆیاكر:" ئەڤ پیشانگەهە ئاستێ‌ بلندێ‌ هزری و هۆنەری یێن قۆتابیێن دیار دكەن ب هەمی رەنگان، دیسان فلسەفەكا نوو دبوارێ‌ هۆنەریدا پێشكێشی زانكۆ و پارێزگەها دهۆك ب تایبەت و هەرێما كوردستانێ‌ ب گشت دكەن".

راگەهاندنا زانكۆیا دهۆك: هەلز عەلی سەلیم