د چارچوڤێ پلانا ستراتیژیا زانکۆیا دهۆک دا، ڕۆژا پێنجشەمبی، رێکەڤتی ٢٠٢٤/١٢/٥، ب ئامادەبوونا د. داود سلێمان ئەتروشی سەرۆکێ زانکۆیا دهۆک، و هاریکارێن سەرۆکێ زانکۆیێ، د. دلشاد عبدالجبار حلیم، و د. نەبەز ئیبراهیم، و پارێزەر بناس دوسکی رێڤەبەرێ کۆمپانیا شینال، و ماموستا و قوتابیێن زانکیا دهۆک، ٣هزار دارێن زەیتوونا کو ژلایێ کومپانیا شینال هاتنە دابین کرن، ل کەمپا زانکۆیا دهۆک هاتنە جاندن.

د پەیڤەکێ دا، د. نەبەز ئیبراهیم هاریکارێ سەرۆکێ زانکۆیا دهۆک، سوپاسیا کومپانیا شینال کر ژبو دابینکرن و هاریکاریا وان دگەل زانکۆیا دهۆک د کەسکرنا کەمپا زانکۆیێ دا، و دیارکر؛ هەر ژ دەستپیکا سالا ٢٠٢٤ ـێ تا نوکە نێزیکی ٨٥٠٠ شتلێن دارێن جوراوجور و یێن بەرهەمی ل سەر رووبەرێ ٣٠ دونەمان ل زانکۆیا دهۆک هاتینە چاندن.

راگەهاندنا زانکۆیا دهۆک، ٧ـی کانوونا ئێکێ، ٢٠٢٤

حسێن تتمی

فۆتۆ: هەرمان جانگیر