سمینارێن کو ل سەرانسەری کۆلیژ و پشکان هاتنە رێکخستن ئارمانج ژێ بهێزکرنا تێگەهشتنێ بوو ل سەر پرۆسەیا بۆلۆنیا و باشترکرنا پراکتیکێن پەرەپێدانا پرۆگرامان. سمینارێن ئەکادیمی ستافێ ئەکادیمی، سەرۆکێن پشکان، و رێکخەرێن پرۆگرامان لێک کۆمکرن بۆ گەنگەشەکرنا بابەتێن سەرەکی وەک:

• تەفسیرکرنا نەخشەرێژێن سەرەکی یێن پرۆگرامان و مەرجێن پێشوەخت (پێدڤیێن بەری).
• تێگەهشتن ل سەر کۆدێن خواندنگەهان، بکارئینانا حاسبەیا سیستەمێ ڤەگوهاستن و کۆمکرنا کرێدیتا ئەوروپی (ECTS).
• دووبارە ڤەگوهاستنا پرۆسەیا فێرکرنێ ژ مامۆستا-ناڤەندی (TCL) بۆ قوتابی-ناڤەندی (SCL)، و دووبارە ڤەگەڕیان ل سەر دەرئەنجامێن فێربوونا پرۆگرامان (PLOs) و دەرئەنجامێن فێربوونا وانە (CLOs).
• روونکرنا پۆرتاڵێ مامۆستایان و راپۆرتێن ئامادەبوونێ دا.

هەروەسا قوتابیێن هەمی قۆناغان بەشداربوون د سەمینارێن جودا جودا دا بۆ فێربوون ل سەر:

• هەلبژارتنا وانە و رێکارێن تاقیگەهان.
• دەستنیشانکرنا مەرجێن پێشوەخت.
• هژمارتنا باری ئەکادیمی.
• روونکرنا پۆرتاڵێ قوتابیان دا.
• تێگەهشتن ل سەر رێسایێن دوبارەکرنا وانەی.
• بکارئینانا رێبەرێ قوتابیان یێ (BPPD).

هەر سمینارەکێ گرنگی دا سەر باشترکرنا بەلگەنامەکرنێ و یەکسانکرنا پرۆگرامان دگەل ستانداردێن نێڤدەولەتی. ب رێیا پارڤەکرنا باشترین پراکتیکێن ژ خولێن ئەعتمادێ، سەمیناران هەماهەنگی، هەڤکاری و باشترکرنا بەردەوام ب هێزکر، کو هاریکاریا دەزگەهێ کر بۆ پاراستنا شەفافیەتێ و بهێزکرنا ئامادەبوونێ بۆ ڤەگوهاستنێن دلنیابوونا کوالیتی.