كولیژا پەروەردە - ئاكرێ‌

كولیژا زانست و پەروەردە – ئاكرێ‌

ل سالا (2009)ێ‌ كولیژا پەروەردا بنیات ل ئاكرێ‌ وەك دەسكەفتەكێ‌ زانستی و ئەكادیمی پەروەردەیی بۆ دەڤەرا ئاكرێ‌ هاتە دامەزراندن ، ل دەستپێكێ‌ فەكرنا كولیژا پەروەردا بنیات ل ئاكرێ‌ دوو پشكێن زانستی ب خوڤەگرتبون ئەوژی:

پشكا زانستێن كومەلایەتی

پشكا زمانێ‌ عەرەبی.

هەژی گۆتنێ یە كو ژمارا قوتابێن كوروكچ (206)قوتابى بوون. ئەوێن هاتینە وەرگرتن ل ڤێ‌ كولیژێ‌ بۆ ئێكەم سالا خواندنێ‌( 2009-2010 ) و ژوانە (104)قوتابی بۆ پشكا زانستێن كومەلایەتی و (102)بۆ پشكا زمانێ‌ عەرەبی.

كولیژا پەروەردا بنیات بو سالا خواندنێ‌ (2010 – 2011)پتر پێشڤە چون بخوڤە دیت و ناڤێ‌ وێ‌ بۆ سكولا پەروەردا بنیات – ئاكرێ‌ سەر ب فاكولتیا زانست و پەروەردە ل دهوكێ‌ هاتە گوهرین.

ل سالا خواندنا (2010 – 2011) سكولا پەروەردا بنیات ل ئاكرێ‌ گوهورینەكا زانستی و سەردەمیانە ب خوڤە گرت و بویە فاكولتیەكا سەربەخۆ بناڤێ‌ فاكولتیا زانست و پەروەردە ل ئاكرێ‌ .

بو سالا خویندنا (2012 – 2013) فاكولتیا زانست و پەروەردە ل ئاڤاهیا نوی دەست ب سالا خوندنێ‌ كریە و  3 پشكێن دیین زانستی هاتینە ڤەكرن وەك پشكا زمانێ‌ كوردی و زمانێ‌ ئینگلیزی دگەل پشكا ماتماتیك.

ل بەرواری (12/8/2015) ب فەرمانا زانكویی بریار هاتە دان كو ناڤێ‌ ( فاكولتی) بۆ (كولیژ) بهێ‌تە گورین.و هەمی سكول بهێ‌نە هەلوەشاندن. ب ڤی رەنگی بۆ (كولیژا زانست و پەروەردە/ئاكرێ‌)

دیسان كولیژا زانست و پەروەردە ئاكرێ‌ ژبلی خاندنا سپێدەیان خاندنا ئێڤاران هەیە بۆ ماموستایێن پەروەردێ‌ و ل چار پشكێن زانستی(پشكا زمانێ‌ كوردی و زمانێ‌ ئینگلیزی دگەل پشكا زمانێ‌ عەرەبی و پشكا زانستێن كومەلایەتی)پێك دیت.

و ل دوماهیك پەیف خویایە ژی كولیژا زانست و پەروەردە ل ئاكرێ‌ هێڤێنێن بونیاتنانا زانویەكێ‌ یە بۆ ئایندەكێ‌  نزیك ل ئاكرێ‌ كو ببیتە هیماو سیمایەكێ‌ گرنگ و كاریگەرێ‌ بۆ دەڤەرا ئاكرێ‌.

ناڤێن بەشێن زانستی ل دیف سالا دامەزراندێ:                                         

پشكا زمانێ‌ عەرەبی سالا دامەزراندنێ‌ 2009 -20101-                              

• پشكا كومەلایەتی سالا دامەزراندنێ‌    2009-20102  
• پشكا زمانێ‌ ئینگلێزی سالا دامەزراندنێ‌ 2012-2013
• پشكا ماتماتیك سالا دامەزراندنێ‌  2012-2013
• پشكا زمانێ‌ كوردی سالا دامەزراندنێ‌   2013-2014
• سەنتەرێ‌ ڤەكولینین زانستی 2011-  2012