ب ئامادهبوونا نوونهرێن وهزارهتا ساخلهمیێ و ههر ئێك ژ زانكۆیێن دهۆك و پولیتهكنیكیا دهۆك و ساسارى و رێكخراوا ئایسپو یێن ئیتالى، كونفرانسێ پێشڤهبرنا شیانێن پهرستار و كارمهندێن ساخلهمیێ ل هولا رێڤهبهریا گشتى یا ساخلهمیا پارێزگهها دهۆكێ هاته گێران. .
کونفرانس ل بەروارێ ٢٢/٢/٢٠١٨ ل هولا کونفرانسان ب ئامادەبونا نونەرێن پەیوەندیدار هاتە لدارخستن.
د. نزار عصمهت تهیب ، رێڤهبهرێ گشتیى یێ ساخلهمیا پارێزگهها دهۆكێ دیاركركو مهرهم پروگرامێ مینتور شیپ ئهوه شیانێن كارمهندێن ساخلهمیێ ژبۆ پێشكێشكرنا خزمهتێن پهرستاران بهێنه پێشڤهبرن و دپلان دایه ئهڤ پروژه یێ بهردهوام بیت.
د. نزار عصمهت تهیب گۆتژى: بهرى چار سالان دهست ب ڤى پرۆگرامى هاتیه كرن و سهرهراى قهیرانا دارایى ژى بهردهوامى ب ڤى پرۆگرامى هاتیه دان و دێ بهردهوام بن بۆ پشڤهبرن و پێشخستنا شیانێن كارمهندێن ساخلهمیێ كو ئیك ژ ئارمانجێن مهیێن سهرهكى یه، چونكو وان رۆلهكێ گرنگ ههیه ل نهخۆشخانهیان و خزمهتێن ساخلهمیێ پێشكیشى خهلكێ خوه دكهن، دروستكرنا ڤێ پرۆگرامێ بۆ ب دهستڤهئینانا زانیاریێن گرنگ ل سهر ئهنجامدانا كارى و گههاندنا خزمهتێن تهندروستى بۆ وهلاتیان ل سازیێن ساخلهمیێ.
وهحیدا عهبدلله ئیبراهیم، ماموستا هاریكار ل كولیژا پهرستارى سهر ب زانكویا دهۆك ڤه، دا دیاركرن ئارمانج ژ ڤى پروگرامى ئهوه پتر فێرخوازێن خوه یێن پهرستار فێرى كارێ پراكتیكى بكهین ل نهخوشخانهیان، چونكو پلان بو سالا بهێت ژى یا هاتیه دانان، پلانا مه بو پاشهروژێ ئهوه ئهم هژمارا فێر خوازێن خوه زێده بكهین، بو ڤى پروژهى تنێ مه 10 فێرخواز ههلبژارتن، بهلێ بو مهشقا هاڤینێ بو سالا بهێت مه ل بهره ژمارا فێرخوازان بۆ 20 كهسان زێدهبكهین، ههروهسان ژمارا وان پهرستارا زێده بكهین یێن هاریكاریا فێرخوازێن مه دكهن.
ماموستا هاریكار ل كولیژا پهرستارى گۆت: مفایێ ڤى پروگرامى گهلهكه، چونكو بو جارا ئێكێ یه سیستهمهكێ نوو ل كوردستانێ بهێته دانان، ژبو هندێ یه پتر فێرخوازێن مه فێرى كارێ پراكتیكى بن، چونكو بهرى ڤى پروژهى دهما فێرخوازێن مه بهرهڤ نهخوشخانا دچوون چ كهس نهبوون هاریكاریا وان بكهن كو كاربكهن، لێ ئهڤ پروژه دهرگهههكه كو فێرخوازێن مه ب هاریكاریا پهرستارێن نهخوشخانا فێرى كارێ پراكتیكى بن، داكو ل پاشهرۆرێ كێمتر شاشى ههبن دكارى دا و مه پهرستارێن شارهزا ههبن.