ل بەروارێ ١٠/٥/٢٠١٦ سمینارەک لدور بلندکرنا شیانێن فێرکرنا پەرستاران ب مەرەما بلندکرنا ئاستێ خزمەتێن تەندروستی ل هولا سمیناران ل زانکویا پولی تەکنیکا دهوک هاتە لدارخستن. ئەڤ سمینارە ل پەی ئیمزارکرنا پرۆژەیا هەڤکاری دناڤبەرا زانکویا سێساری و رێکخراوا AISPO یا ئیتالی و رێڤەبەریا ساخلەمیا زانکویا دهوک، کولێژا پەرستاری (زانکویا دهوک) و زانکویا پولی تەکنیکا دهوک هاتە ئەنجام دان.

ل پەی ئیمزاکرنا پرۆژەیا هەڤبەش دناڤبەرا ئالی یێن ناڤبری، ئەڤ سمینارە ب مەرەما دیارکرنا رولێن هەمو ئالی یێن پەیوەندیدار ل سەر پشتەڤانی کرنا سیستەمێ ساخلەمی ل پارێزگەها دهوک: بلندکرنا شیانێن فێرکرنێ ب مەرەما بلندکرنا ئاستێ خزمەتێن تەندروستی یێن پەرستاری هاتە لدارخستن. ئەجێندایا سمینارا ناڤ نەتەوەیی یا ناڤبری بشێوەیێ خوارێ بۆ:

ل دەستپێکێ، دوکتور زیرەک عزیزخان احمد، هاریکارێ سەروک زانکویا پولی تەکنیا دهوک بۆ کاروبارێن زانستی و پەیوەندی یێن ناڤ نەتەوەیی ئاخڤتنا دەستپێکی بۆ ئامادەبویان پێشکێش کر. هەروەسا دوکتور نزار عصمت طیب رێڤەبەرێ گشتیێ ساخلەمیا پارێزگەها دهوک و لدوڤ دا دوکتور فریدة فریق راگرا کولێژا پەرستاری، زانکویا دهوک پەیڤێن خو پێشکێش کرن.

چەندین بابەت ل سمینارێ هاتنە پێشکێش کرن. دوکتور هشیار موسا سلێمان، رێڤەبەرێ پشکا پلان دانان ل رێڤەبەریا ساخلەمیا پارێزگەها دهوک لدور ئارمانجێن چاڤەرێکری و ئەنجامێن پرۆژەیا هەڤبەش ئاخڤتن کر. هەروەسا ماموستا سردار عبدالله عیسا ژ زانکویا پولی تەکنیک لدور مەنهەجێ پەرستاریێ زانکویا پولی تەکنیک و هەروەسا ماموستا دلدار مراد عبدالله لدور مەنهەجێ پەرستاریێ زانکویا دهوک ئاخڤی. لدوڤدا دوکتور سوبحی رفیق محمد ژ زانکویا پولی تەکنیک لدور لایەنێن فێرکرنا ئەلکترونی و بکارئینانێن گرینگ ل خواندنا بلند پەیڤی. لداویێ نونەرێ زانکویا سێساری یا ئیتالیا و دوکتور زیرەک ب ئاخڤتنێن خو داوی ب سمینارێ ئینا.