ساخلەمیا دهۆکێ و کۆلیژا نۆشداریا ددانان کۆمبوون:
د.ئەفراسیاب موسا، رێڤەبەرێ گشتیێ ساخلەمیا دهۆکێ، ئەڤرۆ 9/11/2021، ب سەرپەڕشتیا شاندەکی سەرەدانا کولیژا نۆشداریا ددانان ل دهۆکێ کر و ژلایێ د.بهار جەعفەر، راگرا کۆلیژێ و هژمارەک سەرۆک پشکان پێشوازی لێ هاتەکرن.
دکۆمبوونەکێ دا، د.بهار جەعفەر، ل دۆر رەوشا کولیژێ و خزمەتێن ژلایێ کلینیکێن کولیژێ دهێنە پێشکێشکرن و کێم و کاسی و داخوازیێن وان هاتەکرن و داخاز ژ ساخلەمیا دهۆکێ پشتەڤانیا کولیژێ بکەن بو بەردەوامیا کاری ب تایبەت ل کلینیکێن کولیژێ.
د.ئەفراسیاب موسا، رێڤەبەرێ گشتیێ ساخلەمیا دهۆکێ، بەرهەڤیا رێڤەبەریێ بو پشتەڤانیکرنا کولیژێ و قوتابیێن وێ، ب تایبەت دوارێ خزمەتێن بو وەلاتیان دهێنە پێشکێشکرن، وەکو دابینکرنا هندەک ژ پێدڤیێن وان دیارکر داکو بەردەوامی ب خزمەتکرنا قوتابی و نەخۆشان بهێتەکرن و وەکو بارسڤکیەک بو کەرتێ ساخلەمیێ.
هەروەسا د.ئەفراسیاب موسا، داخاز ژ راگریا کولیژێ کر هاندانا قوتابیان بهێتەکرن د بابەتێ ڤاکسیندانا دژی کۆرۆنایێ دا و خواست قوتابیێن کولیژێ ل دووڤ خشتەیەکی سەرەدانا بنگەهێ ڤاکسیندانانێ ل نەخۆشخانا ئازادی بکەن.
هەردو لایان گەریانەک دناڤ پشکێن کلینیکێن کولیژێ دا کر و بەرێخودان ل خزمەتێن دهێنە پێشکێشکرن کر.
کولیژا نۆشداریا ددانان ل سالا 2009ێ هاتیە ڤەکرن، هەتا نوکە هەشت خولێن دەرچوونێ و 20 باوەرنامێن ماستەرێ هەبووینە، و رۆژانە 300 نەخۆش، ژلایێ قوتابیان و ب چاڤدێریا راستەوخۆ یا تایبەتمەندان دهێنە برێڤەبرن.