ل روژا 11/11/2019 ل كەمپا شاریا یا ئاواران كۆلیژا پزیشكیا ددانان دگەل كۆمەكا قوتابیان و نوژدارێن كورد و ئەمریكی و كوەیتی سەرەدانا قوتابیێن قوتابخانا شاریا یا ئاواران كر ژ بۆ چارەسەریا نەخۆشیێن دەڤ و ددانێن وان.
د. بهار جەعفەر راگرا كۆلیژا پزیشكیا ددانان بۆ مالپەرێ زانكۆیا دهۆك گۆت هەر ساڵا مە ئەڤ چالاكیە هەنە ئەم خزمەتا ئاواران دكەین مە بفەر دیت بهێین چارەسەریا ددانێن ڤان قوتابیان بكەین مە بەرنامەكێ هەی دگەل زانكۆیا (بەفالو) یا ئەمریكی دگەل دوو مامۆستایێن وان كو ل ڤێرێ نە ئەڤ سەرەدانە دێ بو ماوێ پێنج رۆژان یا بەردەوام بیت هەر رۆژ بچینە دوو كەمپان.
د. بهار جەعفەر هەروەسا دیاركر كو د ڤێ سەرەدانێ دا دوو نوژدارێن ئەمریكی دگەل شەش دكتۆرێن كوەیتی دگەل مامۆستا و قوتابیێن مە دێ ڤی كاری ئەنجام دەن ب كریار نیشا دەن چەوا ددانێن خۆ بشون.
د. عبدولكەریم رەمەزان هاریكارێ راگرا كۆلیژا پزیشكیا ددانان ل زانكۆیا دهۆك گۆت كارێ مەیێ سەرەكی د ڤێ سەرەدانێ دا ئەوە چەوا نیشا بدەین كارێ شویشتنا دروست یا ددانان و فێركرنا رێكێن دروست، دگەل قوتابیێن مە یێن قووناغا دووماهیێ سەرپشتیا نوژدارێن ئەمریكی و كوەیتی هەمی نەخۆشیێن دەڤ و ددانێن زاروكا پشكنین كەن دگەل پاراستنا ددانێن وان ب رێكا دانانا هندەك ماددان كو كرمیبونێ كێم كەن.