كولیژا یاسا
كورتیەك ل سەر یەكا خواندنێن بلند وكاروبارێن زانستی
ب شێوێ ل خوارێ دیاركری دێ تیشكێ ئێخینە سەر كاروانێ خواندنێن بلند وكاروبارێن زانستی ل كولیژا یاسا وزانستێن رامیاری ژلایێ پەیكەرێ كارگێری وپێكهاتە وگرنگیا هەبوونا وێ ورولێ د پێشئێسختنا ئاستێ ئەكادیمی.
ئێكەم: پەیكەرێ كارگێری وپێكهاتەیێن یەكا خواندنێن بلند وكاروبارێن زانستی:
كولیژا یاسا هاتە دامەزراندن ل زانكویا دهوكێ ل 22/5/2000، ول 2003-2004 هوبا خواندنا بلند وكاروبارێن زانستی هاتە دامەزراندن پاشی بوو لیژنا خواندنێن بلند بۆ سالا خواندنێ 2005-2006 ولسالا 2008 بوو بەش، وپاشی بوو بەشێ كاروبارێن زانستی وخواندنێن بلند لسالا 2009 وپاشی بوو یەكا خواندنێن بلند لسالا 2009-2010، وپشتی ڤی ماوەی پەیكەرێ كولیژێ هەمی هاتە گوهارتن ب پەیرەوكرنا پەیكەرەكێ نوی ل سەر ئاستی كولیژان كو كولیژ بوونە فاكولتی، وڤێ چەندێ كارتێكرن كرە سەر پەیكەرێ وكارێ خواندنێن بلند چنكو كولیژا یاسا بۆ سكولا یاسا، وخواندنێن بلند بوو بەش لسالا خواندنێ 2011-2012، وپاشی لسالا خواندنێ 2013-2014 بوو یەكا خواندنێن بلند. وپشتی سكولا یاسا بوویە فاكولتیا یاسا وزانستێن رامیاری خواندنێن بلند شێوێ یەكا یەكا كاروبارێن زانستی وخواندنێن بلند وەرگرت. ولسالا خواندنێ 2014-2015 فاكولتیا یاسا هاتە گوهارتن بۆ كولیژا یاسا وزانستێن رامیاری خواندنێن بلند لژێر ناڤێ یەكا خواندنێن بلند وكاروبارێن زانستی جێگیربوو.
دووەم: گرنگیا یەكا خواندنێن بلند وكاروبارێن زانستی:
ڤەكرنا خواندنێن بلند رادوەستێت ل سەر پلانا پێشكێشكری ژلایێ جڤاتا كولیژێ ڤە ئەوا بەردەستبوونا پێدڤیێن گرنگ بۆ خواندنێن بلند ل بور چاڤ وەردگریت وەكی: هەببونا كادرێ فێركرنێ یێ تایبەتمەند دگەل هەبوونا پەرتوكخانەیەكا یاسایی كو بشێت پێدڤیێن قوتابیا پڕ بكەت، وهەروەسا پێدڤیا كولیژێ ب خواندنێ د بەشەكێ دەستنیشانكری ژ بەشێن یاسایێ وهەروەسا پێدڤیا زانكویێن دی وبیتایبەت یێن نوی دامەزرای.
وبڤێ چەندێ گرنگیا یەكا خواندنێن بلند وكاروبارێن زانستی دیار دبیت د بەرهەڤكرنا پێدڤیا كولیژی وتژی كرنا ڤالەهیێ وتەمام كرنا كێماسیێ د تایبەتمەندیادا، وهەروەسا ژلایێ ژمارا كادرێ فێركرنێ بۆ زانكویێن نوی دامەزرای.
هەروەسا یەكا خواندنێن بلند وكاروبارێن زانستی گرنگیێ برێكخستن وچاڤدێری كرنا كاروبارێن زانستی دكەت ب هەڤكاری دگەل بەشێ زانستی یێ كولیژێ.
سێیەم: بەش وتایبەتمەندیێن خواندنێن بلند تێدا هاتینە ئەنجامدان:
ئەو بەش وتایبەتمەندیێن خواندنێن بلند تێدا هاتینە ئەنجامدان وباوەرنامە ل كولیژا یاسا وزانستێن رامیاری هاتیە وەرگرتن بڤی شێوێ لخوارێ نە:
أ- ماستەر:
1. ل سالا خواندنێ 2003-2004 خواندنا ماستەرێ هاتە ڤەكرن بۆ هەردوو بەشێن یاسا گشتی ویاسا تایبەت.
2. ل سالا خواندنێ 2005-2006 خواندنا ماستەرێ هاتە ڤەكرن بۆ بەشێ یاسا تایبەت (یاسا بازرگانی، یاسا نێڤ دەولەتی یا تایبەت، یاسا تاوانكاری).
3. ل سالا خواندنێ 2006-2007 خواندنا ماستەر ب یاسا هاتە ڤەكرن.
4. ل سالا خواندنێ 2008-2009 خواندنا ماستەر ب یاسا هاتە ڤەكرن.
5. ل سالا خواندنێ 2008-2009 خواندنا ماستەر ب خواندنێن ئاشتیێ وچارەكرنا ململانەیان هاتە ڤەكرن.
6. ل سالا خواندنێ 2009-2010 خواندنا ماستەر ب خواندنێن ئاشتیێ وچارەكرنا ململانەیان هاتە ڤەكرن.
7. ل سالا خواندنێ 2010-2011 خواندنا ماستەر ب یاسا گشتی هاتە ڤەكرن.
8. ل سالا خواندنێ 2011-2012 خواندنا ماستەر ب خواندنێن ئاشتیێ وچارەكرنا ململانەیان هاتە ڤەكرن.
9. ل سالا خواندنێ 2011-2012 خواندنا ماستەر ب مافێن مروڤی (یاسا نێڤ دەولەتی) هاتە ڤەكرن.
10. ل سالا خواندنێ 2012-2013 خواندنا ماستەر ب یاسا تایبەت هاتە ڤەكرن.
11. ل سالا خواندنێ 2014-2015 خواندنا ماستەرێ هاتە ڤەكرن بۆ هەردوو بەشێن یاسا گشتی ویاسا تایبەت.
12. ل سالا خواندنێ 2016-2017 خواندنا ماستەرێ هاتە ڤەكرن بۆ هەردوو بەشێن یاسا گشتی ویاسا تایبەت.
ب- دكتورا ب یاسایێ:
1. قوتابیێن دكتورایێ ب یاسا هاتنە وەرگرتن لدویڤ سیستەمێ سپلیت ساید یێ كارپێكری ل هەرێما كوردستانێ، وئێكەم گەرا قوتابیان ل سالا خواندنێ 2013-2014 هاتە وەرگرتن ب تایبەتمەندیێن یاسا تاوانكاری ویاسا كارگێری.
2. لسالا 2015-2016 قوتابیێن دكتورا/ بەشێ یاسا گشتی، تایبەتمەندیا. ودكتورا/ بەشێ یاسا تایبەت، تایبەتمەندیێن یاسا شارستانی، یاسا بازرگانی ویاسا رێكارێن یاسایی.
3. لسالا خواندنێ 2016-2017 دكتورا/ بەشێ یاسا گشتی، تایبەتمەندیێن یاسا نێڤ دەولەتی یا گشتی، یاسا دستوری، دارایی یا گشتی ویاسا دارایی، یاسا كارگێری. ودكتورا/ بەشێ یاسا تایبەت، تایبەتمەندیا یاسا شارستانی.