كولیژا یاسا

کولیژا یاسا ل زانکویا دهوک هاتە دامەزراندن ل سالا 1997 - 1998 وەک بەشەک ژ کولیژا کارگێرى و ئابوورى و ل سالا 1999 بو کولیژەکا سەربەخو، کەلەک گەرێن قوتابیان یێن ژڤێ کولیژێ دەرچوین کو هەلگرێن باوەرناما بەکالوریوس د یاسایێ دا، ئارمانجا کولیژێ ئەوە کو پشتەڤانیا جڤاکی بکەتن برێکا پێگەهاندن و دەرچوونا دەرچویێن خودان پێزانینێن زانستی یێن تیورى وپراکتیکی ویێن راهێنان پێکرى ژلایێ کادرێ مە یێ وانەبێژ یێ خودان تایبەتمەندی و ناسناڤێن زانستی یێن بلند دهەمى بوارێن یاسایێ دا. کولیژا یاسا پێکولێ دکەتن کو کادرەکێ یاسایی و مافپەروەر ئامادە بکەتن بو جڤاکی یێ خودان شیان کو دشیان دابن کاربکەن ل دام ودەزگەهێن حکومی یێن جوراوجور ژبو خزمەت کرنا جڤاکی زێدەباری رولێ وان یێ گرنگ دکارکرنێ دبوارێ نە حکومی دابرێکا کارێ پارێزەرایەتیێ یان کارکرن د دامەزراوەیێن جڤاکێ سڤیل یێن جوراوجور. هەروەسا، کولیژا یاسا کاردکەتن ژبو ئاڤاکرنا شیانێن زانستی یێن قوتابیان دبوارێ یاسایێ و مافپەروەریێ دا و کاردکەتن ژبو بەشداربوونا قوتابیان دکارێ مەیدانی برێکا ئەنجام دانا وورکشوپێن ئاڤاکەریێن یاسایی و جڤاکی ژلایێ کولیژێ ڤە برێکا پشت بەستنێ بکەسانێن خودان سەربوور و تایبەتمەندی یێن یاسایی و کارکرن دگەل کادرێ مە یێ وانەبێژژبو بهێزکرنا پێزانین و شیانێن قوتابیان یێن یاسایی ژلایێ پراکتیکی وتیوری ژبو بەرهەڤکرنا وان بشێوازەکێ باش داکو خزمەتێن مروڤایەتی یێن خو پێشکێشی هەمی تەخێن جڤاکی یێن پێتڤی بکەتن بوى جورێ ژهەژی کارێ وان یێ مروڤایەتی، و ژبو پتر خزمەتکرنا جڤاکی.