پشکا سیاسەتا گشتی ل کولیژا زانستێن مرۆڤایەتی ل زانکۆیا دهۆک وۆرکشۆپەکا شرۆڤەکاری لدۆر هەلبژارتنێن پەرلەمانێ عیراقێ و پێکئینانا حکوومەتا نوی و کریز و خالێن نێگەتیڤ و پۆزەتیڤ د پێکئینانا حکوومەتێ دا و هەروەسا برگێن دەستووری و یاسایی یێن سەرەکی د دانانا سەرۆک و جێگرێن پەرلەمانی و سەرۆک کۆمار و سەرۆک وەزیران و پێکئینانا حکوومەتا عیراقی سازکر.
ئەڤ وۆرکشۆپە بۆ ماوێ سێ دەمژمێرا ڤەکێشا و مامۆستا و قوتابیێن پشکا ناڤبری ل کولیژا زانستێن مرۆڤایەتی و ژمارەکا مێڤانێن تایبەتمەند و سازیێن راگەهاندنێ ئامادەبوون.
مەرەما ڤێ روینشتنێ مەشقەکا تایبەت بوو، بۆ قوتابیێن پشکا سیاسەتا گشتی ب شێوازێ پراکتیک و گەنگەشێ، کو گرۆپ ژ لایێ قوتابیان ڤە هاتنە دروستکرن و هەر گرۆپەکی لدۆر کریزەکا تایبەت دید و بۆچوونێن خۆ بۆ ئامادەبوویان نیشاندان.
ئەڤ مەشقە و سمینارە ژ لایێ مامۆستایان؛ د. سیپان جەمیل، م. سامی رێکانی، د. سالم جاسم و م. محمد تترخان ڤە هاتنە پێشکێشکرن.