لژێر ناڤێ "ئاریشەیێن نڤیسینێ ل ڤەکۆلینێن نۆژداری" و ب مەرەما دانوستاندنێ لدۆر دروستكرنا ڤەکۆلینێن زانستی د بوارێ تەندروستی دا وورکشۆپەک ل کولیژا پەرستاری هاتە ئەنجامدان.
وورکشۆپ ژ لایێ مامۆستا دلدار مراد ڤە هاتە برێڤەبرن و ئەڤ بابەتە ھاتنە گەنگەشەکرن:
- ناڤ و نیشانێن ڤەکۆلینان ل زانستێن تەندروستی.
- نڤیسینا پێشەکی و بابەتێن گرێدای پێشەکیا ڤەکۆلینێن زانستی.
- بابەتێن گرێدای شێوازێ ڤەکۆلینێن زانستی، وەکو دیزاین، وەرگرتنا نموونەیان ب شێوەیەکێ زانستی، شەنگستێن دەستنیشانکرنێ، ناسینا نەخۆشیان و پیڤانا ئەنجامان، پرۆگرامێن زانستی، میکانیزما بجهئینانا پرۆگرامان، رێکخستنا ئەنجامان، نڤیسینا گەنگەشەیا زانستی بۆ ئەنجامان و هەلسەنگاندنا زانستی بۆ ڤەکۆلینەکا ئەکادیمی.
دڤێ وورکشۆپێ دا مامۆستا و قوتابیێن ماستەرێ و دکتۆرایێ ل کولێژێن پەرستاری، پزیشکی، پزیشکیا ددانان، دەرمانسازی و زانستێن ساخلەمی پشکداربوون.