كونفرانسێ‌ نێڤ دەولەتیێ دووێ‌ یێ‌ پشكا مێژوو دەستپێكر
Aug. 11, 2021, 11 p.m.

ل رۆژا چوارشەمبی 24/2/2021 ل هولا كونفرانسان ل زانكۆیا دهۆك وب ئامادەبوونا دكتۆر لقمان هادی هاریكارێ‌ سەروكێ‌ زانكۆیێ‌ بو كاروبارێن زانستی وژمارەكا ماموستا وڤەكولەر وشارەزایێن دبیاڤێ‌ مێژوویێ‌، كونفرانسێ‌ زانستی نیڤدەولەتی یێ‌ دووێ‌ پشكا مێژوو كولیژا زانستێن مروڤایەتی ل ژێر ناڤێ‌ مێژوویا كوردستانێ‌ دناڤبەرا شێواندن وراستڤەكرنێ‌ دا دەست پێكر.
سەروكێ‌ لیژنا زانستی دكتۆر زرار صدیق دپەیڤا دەستپێكرنا كونفرانسی گوت" شێواندنا مێژوویا كوردستانێ‌ یا بەردەوامە لەورا مە ب فەر دیت ئەم كونفرانسێ‌ دووێ‌ یێ‌ پشكا مێژوو ل زانكۆیا دهۆك پتر ڤێ‌ بابەتی گەنگەشە بكەین، هەر چەندە ئەڤ كونفرانسە دەمی وی ل مەها سێ‌ 2020 بوو هاتبا گێران لێ‌ كومەكا رێگرا هەبوون بونە ئەگەر ژ وانا بەلاڤ بوونا نەخوشیا كرونایێ‌، هەر دیسان مە ل بەر بوو بەرفرەهتر ڤی كونفرانسی ئەنجام بدەین چونكو ئەڤ بابەتە گەلەك ڤەكولەر ومێژوو نڤیس حەزا پشكداریێ‌ هەبوون، ئەڤ كونفرانسە دێ‌ بو ماوێ‌ دوو روژا بەردەوام بیت وگەلەك گەنگەشە دێ‌ هێنە كرن مە 19 ڤەكولین دێ‌ هەبن ژ زانكۆیێن هەرێمی و دەرڤەی هەرێمێ‌ وەكو هولەندا وئەلمانیا وئیران و توركیا كو دێ‌ بشێوێ‌ ئونلاین پەنەلێن خو پێشكێش كەن و هیڤیا دوو روژێن ب مفا بو هەمی پشكدارار دخازم.
دكتور لقمان هادی هاریكارێ‌ سەروكێ‌ زانكۆیا دهۆك بو كاروبارێن زانستی گوت" زانكۆیا دهۆك هەمی دەما خو ل جڤاكی كریە خودان هەر بابەتەكێ‌ گرێدای ب جڤاكێ‌ كوردی ڤە ئەم وەكو زانكۆ خو بچارەسەر دبینین ئەوژی ب گێرانا كورو كومبون و كونفرانسان وچێكرنا ڤەكولینان، لەوما شێواندنا مێژوویا كوردستان كێشا بەری هزاران سالایە نەحەزێن ڤی مللەتی هەولا ڤێ‌ ئێكێ‌ دەن، گێرانا ڤی كونفرانسی دئەڤرودا ئەم وەكو زانكۆ بفەر دبینین، ودیسان ڤەكۆلین ل سەر مێژوویا راست یا كوردی دێ‌ بنە ژێدەرێن ب مفا بو قوتابیێن بكالوریوس ودیسان خواندنا بلند، دخازا سەركەفتنێ‌ بناڤێ‌ خو وبناڤێ‌ وسەروكێ‌ زانكۆیێ‌ بو ڤی كونفرانسی دخازم.