سوباهی زانکۆلاین بۆ دەرچوویێن دوازدێ ئامادەیی دێ هێتە کاراکرن
Sept. 18, 2022, 8:59 a.m.

پڕۆسێسا پێشکێشکرنێ بۆ وەرگرتنا قوتابیان ل زانکۆ و پەیمانگەهێن هەرێما کوردستانێ دێ دەستپێکەت، سوباهی رێکەڤتی ١٨ـی ئەیلوولا ٢٠٢٢ـێ و ل دەمژمێ (٨)ـێ سپێدێ، زانکۆلاین بۆ دەمێ (١٠) رۆژان بۆ دەرچوویێن پۆلا دوزادێ دێ هێتەکاراکرن.

د. ئارام محەمەد قادر، وەزیرێ خواندنا بلند و ڤەکۆلینێن زانستی راگەهاند: "سوباهی رێکەڤتی ١٨ـی ئەیلوولا ٢٠٢٢ـێ و ل دەمژمێر ( ٨)ـێ سپێدێ، یبسایتێ (www.regayzanko.com) بۆ قوتابیێن دەرچوویێن پۆلا دوازدێ تاکو دەمژمێر (١٢)ـی شەڤ رێکەڤتی (٢٠٢٢/٩/٢٧) دێ هێتە کاراکرن، قوتابیێن دەرچوویێن پۆلا دوازدێ دشێن فۆرما وەرگرتنێ ل زانکۆ و پەیمانگەهێن هەرێما کوردستانێ پڕبکەن و پێشکشبکەن، ب رێکا هەمان وان (یۆزەر نێم و پاسوۆردێن) کۆ پێشتر ل قوتابخانێن خۆ وەرگرتین.

هەروەسا بۆ شارەزاییەکا باش و زانیاریێن زێدەتر یا قوتابیێن دەرچوویێن پۆلا دوازدێ لسەر سیستەمێ وەرگرتنێ ل (زانکۆلاین، پارالێل و ئێڤاران)، قوتابی دشێن ب رێکا ویبسایتێ (www.regayzanko.com) رێبەریا وەرگرتنا قوتابیان ب باشی بخوینن، وەکو بنەمایەکێ سەرەکی بۆ پڕکرنا فۆرمێ، یان سەرەدانا سەنتەرێن راوێژکاریێن زانکۆیان بکەن بۆ پڕکرنا فۆرما وەرگرتنێ ب سیستەمێن جودا، ئەڤەژی دەرفەتەکا باشتر بۆ قوتابیێن دەرچووی کو زێدەتر شارەزایی لسەر سیستەمێ پڕکرنا فۆرما پێشکێشکرنێ هەبیت.

هەروەسا وەزیرێ خواندنا بلند داخوازێ ژ قوتابیێن دەرچووی دکەت ئەو ب خۆ فۆرمێن خۆ پڕبکەن ل سەنتەرێن نەفەرمی فۆرمێن خۆ پڕنەکەن، چونکو وەزارەت بەرپرسیار نینە ژ هەر شاشیەکا قوتابی د پێشکێشکرنا فۆرمێ دا دکەت ل دەمێ پێشکێشکرنێ.

وەزارەتا خواندنا بلند و ڤەکۆلینێن زانستی دیارکر، وەرگرتنا قوتابیان ل زانکۆیان لدویڤ رێزبەندیا وان کولیژ و پشکان دبیت کو دەرچوو د زانکۆلاین دا پێشکێشدکەن ب بەرچاڤوەرگرتنا نمرەیا قوتابیە، ژ بەر ڤێ چەندێ پێدڤیە ب هویری رێزبەندیا وان کولیژ و پشکان دەستنیشانبکەن کو حەزدکەن تمامکرنا خواندنا خۆ تێدا ب دویماهی بینن، هەروەسا پێدڤیە هەر ژ دەستپێکا کارکرنا زانکۆلاین، قوتابی دەست ب پێشکێشکرنێ بکەن و کارێن خۆ پاشنەئێخن.

هەروەسا ل دویماهیێ ژی وەزارەتا خواندنا بلند دیارکریە "هیچ پەیج و ئەکاونتەک ل تۆرێن جڤاکی نینە ب ناڤێ زانکۆلاین یان ناڤەندێن وەرگرتنا قوتابیان، بەلکو تاکە مینبەر بۆ گەهاندنا رێنمایێن وەزارەتا خواندنا و ڤەکۆلینێن زانستی، پەیجێ فەرمیێ وەزارەتا خواندنا بلند و ڤەکۆلینێن زانستیە، ب ناڤونیشانێن ل خوارێ:

www.facebook.com/KRG.MOHE.Official