ل رێکەفتی ١٦ـی چریا ئێكێ، ٢٠٢٤، ل سەنتەرێ ڕەوشەنبیری وچڤاکی یێ زانکۆیا دهۆك، ب ئامادەبوونا د. داوود سلێمان ئەتروشی، سەرۆکێ زانکۆیا دهۆک و د. رانداڵ رۆدز، سەرۆکێ زانکۆیا ئەمریکی ل كوردستانێ و د.نەژاد ئەحمد حسێن، نوێنەرێ وەزارەتا خۆاندنا بلند و ڤەکولینێن زانستی، سەنتەرێ ڤەکۆلینێن سازی ل زانکۆیا دهۆک و ب سەرپەرشتیا د. فایق دیكو، رێڤەبەرێ سەنتەری وۆرکشۆپەکا ڤەکری ل دۆر "هەڵسەنگاندنا پیڤەڕێن دەستپێکا متمانەبەخشینێ" ئەنجامدا.

ل دەستپێكا وۆركشۆپێ یا كو هاریكارێن سەرۆكێ زانكۆیێ ورێڤەبەر و بەرپرسێن رێڤەبەریێن سەر ب زانكۆیێ ڤە وهژمارەکا كەسایەتیێن ئەكادیمی و ماموستایێن زانکۆیێ تێدا پشكداربوون، د. داوود سلێمان ئەتروشی، سەرۆکێ زانکۆیا دهۆک، د پەیڤەكێ دا گۆت: "دەستپێکرنا پروسێسا متمانەبەخشینا پەروەردەیی ل زانکۆیا دهۆک پرۆسێسەکا ئومێد بەخشە. ئەم گەهشتینە ڤێ قوناغێ و هاتینە دەستنیشانکرن وەکو زانکۆیەکا ئامادە، زانکۆیا دهۆک بەریا دوو سالان ئەڤ پروسێسە دەستپێکریە و تا نۆكە ئەم گەهشتینە قوناغێن باش یێن ڤێ پرۆسێسێ."

و ل دویڤ دا د.هونەر خۆشەوی، سکێرتێرێ دەستەیا گشتی یا متمانەبەخشینا پەروەردەیی، باس ل پرۆسێسا متمانەبەخشینا پەروەردەی کر و دیار كر كو ئەڤ پروسێسە پروسێسەکا درێژ خایەنە و پێدڤی ب پێگیرییەکا باش هەیە تاکو بگەهیتە ئارمانجێن دەستنیشانکری. ل دۆر ئارمانجێن وۆركشۆپێ ئاماژە ب وێ چەندێ دا و گۆت: "مە ئەڤ وۆرکشۆپە ئەنجامدا دا بشێین هەڵسەنگاندنێ بۆ وان پیڤەران بکەین یێن دەستەیا متمانەبەخشینا پەروەردەیی داناین، دا کو زانکۆ بشێت قوناغا ئێکێ یامتمانەبەخشینێ تێپەرینیت."

هەژی ئاماژەدانێ یە پرۆسێسا متمانەبەخشینا پەروەردەیی پرۆسێسەکا توندا دلنیا جۆری و شەفافە، هەر زانکۆیەکا شیا ڤێ پرۆسێسێ تێپەرینیت دێ باوەرنامەكا ناڤدەولەتی بدەستخوڤەئینیت و هێتە هژمارتن ل ئاستێ زانکۆیێن جیهانی.

ئارمانجا سەرەکی ژ ڤی پرۆگرامی قوتابی ببیتە سەنتەرێ پرۆسێسا پەروەردەیی، زانکۆیێ پلانێن باش یێت رێڤەبرنێ هەبن، پێگەهاندنا مامۆستا و ستافێ زانکۆیێ و خالا ژ هەمیان گرنگتر ئەوە پەیداكرنا کەلتۆرێ شەفافیەتێ و بریارێن هەمەجۆر د ناڤ زانکۆیێ دا، هەر زانکۆیەکا ب سەرکەفتییانە شیا ڤێ پروسێسێ تێپەرینیت ژ لایێ رێکخراو و دامودەزگەهێن ناڤدەولەتی ڤە دهێتە پشتەڤانیکرن ژ لایەنێن دارایی و مەعنەوی ڤە.

و ل دۆماهیا ڤێ روینشتنێ، دانوستاندن د ناڤبەرا ئامادەبوویان دا برێڤەچوون، و باس ل ئەوان پیڤەران کرن یێن كو زانكۆ پێدڤی ب دارێژتنا پلانەكێ یە دا كو جێبەجێكەت، و ئەو پلانێن دهێنە جێبەجێکرن كو پێدڤی ب بەردەوامی و دیفچوونێ هەیە، داکو ئەڤ پرۆسێسە ب شێوەیەکێ سەرکەفتییانە بهێتە ئەنجامدان وبگەهیتە ئارمانجێن دەستنیشانكری. و هەمی لایان هیڤی خواستن کۆ ئەڤ پرۆسێسە ب بیتە دەستپێکەکا باشتر بۆ پێشڤەبرنا زانکۆیێن کوردستانێ و پێگەهشتن ب ئاستێ زانکۆیێن جیهانی.

بۆ دیتنا وۆرکشووپێ لینکێ ل خوارێ کلیک بکە:

https://youtu.be/PntUXihZXPE?si=zp63z2a6v2SzIReF

ڤیدیو....زانکۆیا دهۆک وۆرکشووپەک ل دور متمانەبەخشینێ ئەنجامدا

https://youtu.be/pb46rIxd1is?si=YHaiKR8-YJwRMARV

راگەهاندنا زانكۆیا دهۆك، ١٧ـی چریا ئێکێ، ٢٠٢٤

نيبارێ حجی

فوتۆ :هەرمان جانگیر، حسێن تتمی