ئەڤرۆ رۆژا سێشەمبی رێكەڤتی 14ـی گولانێ 2024، زانكۆیا دھۆك گەھشتە قوناغەكا گرنگ ئەوژی ب رێكا ئەنجامدانا ئێكەم كومبوونا لیژنا ئاراستەکاری یا دلنیایی یا جۆری (QAC)، لیژنە ژ هژمارەکا مامۆستا و فەرمانبەرێن چالاكێن زانكۆیێ پێكدھێت، ب ئارمانجا باشتركرنا پرۆگرامێن ئەكادیمی و ھەولێن ڤەكۆلینێ و خزمەتێن كارگێری ھاتیە پێكئینان.

كۆمبوون ب ئامادەبوونا سەرۆكێ زانكۆیا دھۆك، د. داود سلێمان ئەتروشی ھاتە ئەنجامدان، كو تەكەز ل سەر رۆلێ سەرەكیێ لیژنێ بۆ بدەستڤەئینانا ئارمانجێن ستراتیژی یێن زانكۆیێ كر، دیسان ھاریكارێ سەرۆكێ زانكۆیێ بۆ كاروبارێن زانستی د. لوقمان ھادی حەسەن جەخت ل سەر پابەندیێ ب دلنیایی یا جۆری یا ناڤخۆیی (IQA) كر و بەرپرسیارەتیێن لیژنێ بۆ خۆلا داھاتی ژ پلاندانانا ستراتیژی دەستنیشانكرن.

دیسان د كۆمبوونێ دا، د. شەھین عەبدوللا عەبدولكەریم، نیشاندانەك پێشكێشكر كو تێدا رۆلێ جیاواز یێ لیژنا ئاراستەکاری یا دلنیایی یا جۆری و كارگێریا دلنیایی یا جۆرێ دیاركر و جەخت ل سەر كاریگەریا پێشبینیكری یا لیژنێ ل سەر دلنیایی یا جۆری ل زانكۆیێ. ھەروەسا د. ئیسماعیل ئەمین عەلی نێرینێن بوھادار ل دۆر پیڤەر و پرنسیپێن ئەوروپی (ESG) و پرۆسێسا بۆلۆنیا پێشكێشكرن، كو گرنگیا وان د پێكئینانا پیڤەرێن جۆریێ دا نیشاندن.

ل دویماھیێ د. فائق دیكۆ سنۆرێ دلنیایی یا جۆری یا ناڤخۆیی ل زانكۆیێ نیشاندا و تەكەز ل سەر رۆلێ سەرەكی یێ لیژنێ د جێبەجێكرنا وێدا د ماوێ دوو سالێن داھاتی كر. ئەڤ چەندە رژدیا زانكۆیا دھۆك ب پێگیریا وێ و بەرپرسیارەتیێ نیشانددەت، كو لیژنا جۆریێ بەرھەڤیان دكەت سەركردایەتیا برپرسیارەتیێ بكەت د باشتركرنا بەردەوام و گەرەنتیكرنا پێگیریێ ب پیڤەریێ جۆریێ. بریارە د داھاتیەكێ نێزیك دا لیژنە كار و دەستكەڤتا د چەندین لایەنێن دی دا ل زانكۆیێ ب راگەھینیت.

راگەھاندنا زانكۆیا دھۆك؛ سێشەمب 14ـی گولانێ 2024

عسمەت خابوور و ماهر تاهر