کۆلیژا زمانان ل زانکۆیا دهۆک، ب هەماهەنگی دگەل سەنتەرێ ڕاهێنانا پێداگۆجی و پەرەپێدانا ئەکادیمی و ب ئامادەبوونا هاریکارێ سەرۆکێ زانکۆیا دهوک بۆ کاروبارێن زانستی، د.لقمان هادی حەسەن، و راگرێ کۆلیژا زمانان، د.ئەبوعوبەیدە عەبدوللا زیاب، خولا زمانێ فارسی ب دویماهی ئینا و باوەرنامە ب راهێنەر و پشکدارێن خولێ هاتنە پێشکێشکرن.

ئەڤ خولە ب سەرپەرشتیا دوو مامۆستایێن کۆلیژا زمانان هاتە ئەنجامدان، ئەوژی د.حەلیمە خورشید و مامۆستا زیرەک عوبەید، کو ب شێوەیەکێ ئەکادیمی بابەتێن گرێدای شیانێن زمانێ فارسی بۆ پشکدارێن خولێ پێشکێشکرن.

هەژی ئاماژێ یە د ڤێ خولێ دا ١٢ کەسان پشكداری کربوو، کو ل 1ـی تەباخا ٢٠٢٤ـێ، دەستپێکربوو تاکو ١ـی ئیلۆنا ٢٠٢٤ـێ یا بەردەوام بوو.

راگەهاندنا زانکۆیا دهۆک؛ ٣ـی ئیلۆنێ ٢٠٢٤

رۆندك فاضل