دچارچوڤێ پرۆگرامێ هاڤینێ یێ لاوێن کوردێن دیاسپۆرا یێ زانکۆیا دهۆک، سمینارەک ب ناڤ ونیشانێ: هەرێما کوردستانێ: سیستەمێ پەیکەربەندێ سیاسى، ژلایێ د. عمران عومەر ماموستایێ کۆلیژا زانستێن سیاسى یا زانکۆیا دهۆک بۆ پشکدارێن پرۆگرامى هاتە پێشکێشکرن.

دڤێ سمینارێ دا، د. عمران عومەر ب هویرى باس ژسیستەم و پرۆسێسا سیاسى یا هەرێما کوردستانێ کر وەکو ئێک ژ دەستکەفتێن گرنگ بۆ هەرێما کوردستانێ، ب تایبەتى پشتى راپەرینا سالا ١٩٩١ و دامەزراندنا پەرلەمانێ کوردستانێ و ئەنجامدانا هەلبژارتنان و دامەزراندنا حکومەتا هەرێما کوردستانێ.

هەژی گوتنێ یە، پرۆگرامێ هاڤینێ یێ لاوێن کوردێن دیاسپۆرایێ زانکۆیا دهۆک، ئێکەم جارە ل هەرێما کوردستانێ ل زانکۆیا دهۆک ب چاڤدێریا د. داود سلێمان ئەتروشی سەرۆکێ زانکۆیێ دهێتە ئەنجامدان، و ل رێکەفتێ ٤ـى ئاب ٢٠٢٤ـێ ل زانکۆیا دهۆک دەستپێکریە، ب پشکداریا ١٦ گەنجێن کوردێن هەرچار پارچێن کوردستانێ یێن ل دەرڤەى کوردستانێ دژین بۆ دەمێ دوو حەفتیا دێ یێ بەردەوام بیت، کو رۆژانە ژ لایێ ماموستایێن پسپۆرێن زانکۆیا دهۆک ڤە ب بەرنامەکێ دارشتى چەندین سمینار و چالاکى سەرەدان بۆ باژێرێن هەرێما کوردستانێ دهێتە ئەنجامدان.

#پرۆگرامێ_هاڤینێ_یێ_لاوێن_کورد_زانکۆیا_دهۆک

راگەھاندنا زانكۆیا دھۆك؛ ١٣ـی تەباخێ ٢٠٢٤

نڤیسین و فۆتۆ: حسێن تتمى