ئەڤرۆ، رێکەڤتی ٩ـی ئیلۆنا ٢٠٢٤ـێ، سەنتەرێ بێشکچی بۆ ڤەکۆلینێن مرۆڤایەتی روینشتنەکا ڤەکری ئەنجامدا ل ژێر ناڤونیشانێ (ئەرێ دیرۆکا کوردی هاتیە نڤێسین؟ و کێ دیرۆکا کوردی نڤێسییە؟) ب ئامادەبوونا هژمارەکا ماموستایێن تایبەتمەند د بوارێ مێژوویێ دا ل هۆلا سەنتەرێ ناڤبری.

ل دەسپێكێ، د.سەلاح محەمد سەلیم، رێڤەبەرێ سەنتەرێ بێشکچی بۆ ڤەکۆلینێن مرۆڤایەتی، باس ل دیرۆکا مللەتێ کورد کر دەربارەی پسیارێن ئەرێ دیرۆکا مللەتێ کورد چەوان هاتیە نڤێسین و ژ لایێ کێ ڤە هاتیە نڤێسین و تا چ رادە ئەم شیاینە وە کو تێگەهەکێ زانستی مفایێ ژ دیرۆکا خو وەر بگرن.

ل دویڤدا، د. بژار نەجار، شارەزا د دیرۆکا کوردی دا ، باس ل رولێ کوردان کر د دیروکێ دا و گۆت کوردان رولەکێ سەرەکی هەیە د دیرۆکا رۆژهەلاتا ناڤین دا، و ئەم شانازیێ ب دیرۆکا خو دبەین. د. بژار دیار كر ژی كو مللەتێن دەورو بەرێن مە زۆر جاران هەولا سەختەکرن و تێکدانا دیرۆکا کوردی کریە.

ژلایێ خو ڤە، د. عەبدولفەتاح بۆتانی، تایبەتمەندێ دیرۆکا هەڤجەرخا کوردی وماموستایێ زانکۆیێ، دا دیاركرن كو گرنگە ئەم مفایێ ژ دیرۆکا خو وەربگرین و ب شێوەکێ راست و درست ب نڤیسین، وجەخت ل وێ چەندێ كر كو پێدڤی یە خەباتا مە ب دەولەت بونێ بیت.

هەر د ڤێ روینشتنێ دا و د پەیڤا خو دا، د. مەحەمەد سالح زێباری، ماموستایێ زانکۆیا دهۆك باس ل ئەرکێ مێژوونڤیسی کرو گۆت گرنگە ئەم زاروکێن خو فێری زمانێ کوردی بکەین و ئەم شانازیێ ب زمانێ خوو ببەین.

د. کەرەڤان عومەر، مامۆستا و تایبەتمەندێ مێژوویی، د پەیڤا خو دا باس كر كو سەرەرای هەمی کاودانێن دژوار و جەنگێن رووبرووی ملەتێ مە بووین، ئەم شیاینە زمان و هەبوونا خو ب پارێزین.

و ل دوماهیا ڤێ روینشتنێ، دانوستاندنێن كویر د ناڤبەرا ئامادەبوویان دا برێڤەچوون، هەمی لایان هیڤی خواستن کو گرنگیەکا زێدەتر ب نڤیسینا دیرۆکێ بهێتە دان وراستیا وێ بهیتە پاراستن.

راگەهاندنا زانكۆیا دهۆك،

نيبارێ حجی

فۆتۆ: عەلی بانكی