ل پێنگاڤەكا گرنگ دا بۆ چارەسەركرنا قەيرانا ئاڤێ يا بەردەوام ل پارێزگەها دهۆكێ، زانكۆيا دهۆك، ب پالپشتیا يونسكۆ، چالاكیەكا تايبەت رێكئێخست دەربارەی ڤەكۆلینێن ل سەر برێڤەبرنا ژێدەرێن ئاڤی.

چالاكی ل هۆلا پيشمەرگه ل ناڤەندا قوتابیان برێڤەچوو، كو تێدا بەرپرسێن زانكۆيێ، و راگر و قوتابی كۆمبوون بۆ چارەسەركرنا بەردەوام.

ئامادەبوو كەسانێن ئەكادیمی بوون وەكو د. داود سلمان ئەترۆشی، سەرۆكێ زانكۆیا دهۆك، و د. لوقمان هادی حەسەن، هاریكارێ سەرۆكێ زانكۆیێ بۆ كاروبارێن زانستی، و د. نبز ئيبراهيم محەمەد، هاریكارێ سەرۆكێ زانكۆیێ بۆ كاروبارێن قوتابیان. و ژماركا راگر و سەرۆك پشكان.

بهێزكرنا هەڤكاریان:

د. مەحەمەد عەزيز، راگرێ كۆلیژا زانست، ستايشا قوتابیان كر و سوپاسیا يونسكۆ كر بۆ پشتەڤانيا بەردەوام. وی گرنگيا هاريكاريا زانستی بۆ پاراستنا ژێدەرێن ئاڤێ رۆنكر. وتەكەز ل سەر گرنگیا رابوونا رێكخراوێن دیتر كر ب پالپشتیكرنا پرۆژەیێن هەڤشێوە.

ل ماوێ چار مەهان دا، ٢٩ قوتابی ڤەكۆلینێن قووڵ ئەنجامدان ل سەر تەكنيكێن پاككرنا ئاڤێ، ستراتيجيێن دووباره بكارئينانا ئاڤی، و كاريگەريا كێمبوونا ئاڤێ ل سەر كۆمەلگەهاناڤخۆیی.

هندەك خالين گرنگ یێن ڤەكۆلینان پێكهاتبوون ژ:

• رێكێن نوی بۆ پاككرن و دووباره بكارئينانا ئاڤێ
• مۆدێلێن بەردەوام بۆ كێمكرنا بكارئينانا ئاڤێ ل چاندنێ
• هەلسەنگاندنا كاريگەريا ئابووری يا كێمبوونا ئاڤێ

بهێزكرنا پەیوەندیا ئەكادیمی و پێشەسازی

ئەڤ دەستپێشخەریە نە بتنێ دیتنێن تیۆری پێشكێشدكەت؛ بەلكو هەولددەت دگەل لایەنێن پەوەندیدار كاربكەت و زانكۆ كار دكەت ب هاريكاريێن ناڤخۆیی و ريكخراوين ژينگەهێ  بۆ وەرگرتنا ئەنجامان بۆ سياسەتان.

ل دوماهیا چالاكیێ، قوتابیان باوەرنامێن پشكداریێ وەرگرتن، كو ئەڤە نيشاندەرێ گرنگيپێدانا وانە ب پەرەپێدانا شيانين برێڤەبرنا ئاڤێ.

ئارمانجێن داهاتی: پێگیریكرن ب چارەسەریێن دومدار

ئارمانجا زانكۆيا دهۆك ئەوە بەردەوام بمينيت ناڤەندا ڤەكۆلینێن پەیوەندی ب گرفتين ژينگەهی هەین، و پەرەپێدانا بەردەوام ل هەرێمێ.

پەیڤێن سەرەكی:

• ڤەكۆلینێن زانكۆيا دهۆك يێن ئاڤێ
• برێڤەبرنا قەيرانا ئاڤێ ل دهۆكێ
• چارەسەریێن بەردەوام بۆ ئاڤێ ل كوردستانێ
• هاريكاريا يونسكۆ بۆ زانكۆيا دهۆك
• ڤەكۆلینێن قوتابیان

راگەهاندنا زانكۆیا دهۆك، 25ـی كانوونا دووێ، 2025

نیبار حجی حسێن و فاطمه محمود عەلي

وێنە: هەرمان جانگیر ئەحمەد