د چارچۆڤی  پەیوەندیێن گشتی دا و ب مەرەما بەرفرەهكرنا پەیوەندیان دگەل رێكخراو و سازیێن جڤاكێ سڤیل، زانكۆیا دهۆك یاداشتناما لێكتێگەهشتنێ د گەل رێكخراوا VolunteerKRD یا خۆبەخشیێ ئیمزاكر ل رۆژا پێنجشەمبی رێكەفتی 9ـی كانوونا دووێ، 2025، ل سەرۆكاتیا زانكۆیا دهۆك.

یاداشتناما لێكتیگەهشتنێ ژ لایێ  سەرۆكی زانكۆیا دهۆك ڤە، د. داوود سلێمان ئەتروشی، و رێڤەبەرا رێكخراوا VolunteerKRD، خانم فاتیما رێزان عثمان هاتە ئیمزاكرن و رێورەسم ب ئامادەبوونا هاریكارێ سەرۆكێ زانكۆیێ بۆ كاروبارێن قوتابیان، د. نەبەز ئیبراهیم، و رێڤەبەرێ پەیوەندیێن ناڤدەولەتی، د. نەزار ئەمین و ستافێ وێ رێڤەبەریێ و ستافێ رێكخراوا ناڤبری برێڤەچوون. ئارمانجا سەرەكی ژ ڤێ یاداشتنامێ ئەوە هەردوو لا هەڤكاریێ بكەن بۆ ئەنجامدانا كارێن هەڤپشك و ب تایبەتی گەشەكرنا رەوشەنبیریا خۆبەخشیێ و شیاندنا گەنجان وقوتابیان بۆ ئەنجامدانا كارێن خۆبەخش یێن كو خزمەتا جڤاكێ ئەكادیمی و سڤیل دكەت.

رێكخراوا VolunteerKRD رێكخراوەكا نەحكومی یە ل هەولێرا پایتەخت، كاردكەت ل دۆر ئامادەكرنا گەنجەكێ بهێز و خودان گیانەكێ خۆبەخشیێ كو گوهرینەكا ئەرێنی د جڤاكی دا پەیدا بكەت. ئەڤ ریكخراوە دەلیڤەیێن خۆبەخشیێ بۆ گەنجان دیار دكەت و دناسینیت ل هەر رێكخراوكێ یان سازیەكا دیتر ل كوردستانێ.

 گەلەریا روویدانێ

راگەهاندنا زانكۆیا دهۆك

فاطمة محمود