زانکۆیا دهۆک ب شانازیڤە پشكداریکرنا خۆ د بەلاڤکرنا '' پەروەردا (ماموستا) یا گشتگیر پشتی جەنگی'' رادگەهینیت، کو هەوڵەکا هەفپشکە دناڤبەرا پشكا پەروەردا تایبەت ل كۆلیژا پەروەردا بنیات یا زانکۆیا دهۆک و زانکۆیا ئولدنبێرگ و زانکۆیا فیشتە ل ئەلمانیا. ئەڤ پەرتووکا گرنگ کو ب زمانێ ئینگلیزی ژ لایێ چاپخانا واکسمان ڤە هاتیە بەلاڤکرن پروفیسۆرێن هەرێما کوردستانێ و عێراقی و ئەڵمانی کومدکەت بۆ ڤەکۆلینێ د پەرەسەندنا پەروەردا گشتگیر دا و ئامادەکرنا ماموستایێ بسپور د بوارێ پەروەردا تایبەت دا.

د. چاچان جومعە، مامۆستایێ زانکۆیا دهۆک، پشكداریێ ب ڤەکۆلینەکا سەرەکی د پەرتووکێ دا کر. ڤەکۆلین ب هویری د چیتە د ناڤ پەروەردا مۆدێرن ل عێراقێ و کوردستانێ دا، ئاماژە ب مێژووییا زانکۆیان و پەرەسەندنا وان ل هەرێما کوردستانێ دا بخوڤە دگریت. د. چاچان تیشکێ د ئێخیتە سەر پابەندبوونا هەرێمێ ب راهێنانا ماموستایان د پەروەردا تایبەت دا و تێکەلکرنا پراکتیکێن پەروەردا گشتگیر بو وان کەسێن کو پێدڤیێن تایبەت هەنە د قۆتابخانێن ئاسایی دا.

ئەڤ بەڵاڤکریە برگەیەکا گرنگە د هەڤکاریا بەردەوام دناڤبەرا سازیێن نیڤدەولەتی کو تایبەتن ب پێشئێخستنا پەروەردا گشتگیر و ڕاهێنانا پەروەدەیا تایبەت. زانکۆیا دهۆک بەردەوامە د ڕۆلەکێ هەرە گرنگ دا د پەرەپێدانا گفتۆگۆیا ئەکادیمی و داهێنانێ دڤێ بواری دا.

راگەهاندنا زانكۆیا دهۆك، 25ـێ خزیرانا 2024

فاطمة محمود

وەرگێران: مێڤان محەمەد سالح