زانكۆیا دھۆك بەلاڤكرنا جیھانی بۆ پەرتووكەكا پزیشكی یا پیشەنگ ب ناڤۆنیشانێ "رەھەندێن مێژووی د رژینەران و نەخۆشیا شەكرێ دا" كو سازیا کەیمبرێج سكولەرز ل شاھنشینا ئێكگرتی بەلاڤكری، ئەڤ پەرتووكە ب فەرمی ل ١ـی ئیلونی ٢٠٢٤ ھاتیە چاپكرن ژ لایێ د. بەیار ئەحمەد قاسم ڤە مامۆستایێ رژینەر و نەخۆشیا شەكرێ ل كۆلیژا پزیشكی ل زانكۆیا دھۆك ھاتیە نڤیسین.

پەرتووكا ناڤبری ژ لایێ د. بەیار و دەھ پشكدارێن دی ژ كۆلیژا پزیشكی ھاتیە نڤیسین ب ھەڤكاری ل گەل كەڤنترین پەرتووكخانا پزیشكی ل شاھنیشنا ئێكگرتی، كۆلیژا ئەدنبرە یا شاھانە یا پزیشكا ل ئوسكوتلەندا، كو شەش پشكا بخۆڤەدگریت د 410 بەرپەرا دا. پەرتووك مێژوویا سەرەكی یا رژینەرا ب گشتی و نەخۆشیا شەكرێ بەرچاڤدكەت، كو كۆمكرنێ د ناڤبەرا ڤەگێران و نیشاندانا وێنەیا دكەت، دیسان گەشتەكا جیاواز یا وەرارا ھرمونا پێشكشێدكەت.

پەرتووك نوكە یا بەردەستە بۆ كرینێ ل سەر سایتێ بەلاڤكەری و سایتێ ئەمەزون و دێ ل سەر زانكۆیا ل سەرانسەری جیھانێ ھێتە بەلاڤكرن، پشكداریا د. بەیار نە ب تنێ نڤیسینێ بخۆڤەدگریت بەلكو دیزاینا پەرتووكێ و كارێن ھۆنەری یێن د پەرتووكێ دا بخۆڤەدگریت.

پەرتووكا ناڤبری خواندەڤانی بەرەڤ گەشتەكێ د تومارێن مێژوویا پزیشكی دا دبەت، كو تیشكێ دئێخستە ل سەر قوناغێن گرنگ یێن بوارێ رژینەرا پێكئینای، ھەروەسا گەشەكرنا وێ و دەستنیشانكرنا لقێن ڤی بسپۆریێ دكەت، پەرتووك نە ب تنێ نێرینەكا گشتگیر دەربارەی گەشەكرنا رژینەران بەردەستدكەت، بەلكو وەك ڤەدیتنەكا ھونەری بۆ مێژوویا وێ دھێتە ھژمارتن.

بۆ دیتنا پارچە ڤیدیۆیا ریكلاما فەرمی یا پەرتووكێ، سەرەدانا لینكێ ل خوارێ بكە:

https://drive.google.com/file/d/1RiNVs_s61i5-Ffvr56y4A0l2e4suncf3/view.

راگەھاندنا زانكۆیا دھۆك؛ ٥ـی ئیلونێ ٢٠٢٤

فاطمة مەحموود

و: ماهر تاهر کێستەیی