ب مەرەما زێدەتر مفا وەرگرتن ژ دویماهى داهێنان و پێشکەفتنێن زانستى د بۆارێ پزیشکیا ددانا دا، کۆلیژا پزیشکىا ددان یا زانکۆیا دهۆک، رۆژا پێنجشەمب رێکەڤتى ٢٢ـى تەباخێ ٢٠٢٤، ل سەنتەرێ کۆنفرانسا، و ب ئامادەبوونا د. داود سلێمان ئەترۆشى سەرۆکێ زانکۆیا دهۆک، و د. سەعید عەلى راگرێ کۆلیژا پزیشکى یا ددان و هژمارەکا بەرپرسێن حزبى و حکومى و ماموستا و قوتابیا، سیمپۆزیۆمەک ل دۆر دویماهى داهێنانێن پزیشکیا ددانا ئەنجامدا.

سیمپۆزیۆم ب پەیڤا بخێرهاتنێ دەستپێکر. و د سیمپۆزیۆمێ دا، ڕاگرێ کۆلێژا پزیشکیا ددانان د. سەعید عەلی ڕاگەهاند: کو ل داهاتی دا چەندین چالاكی دێ هێنە گێران هەمی گرێدای باشتركرنا زانینا پزیشکیا ددانانە ل کۆلێژێ ودەڤەرێ.

پاشان، پێشکێشکرنا بابەتان ژ لایێ پەیڤدارێن بەڕێز ڤە هات. د. بەنگین محەمەد کەرەم باس ل چەمکێ داخوازیا زۆر یا دەستبەجێ ل سەر چاندنا ددانان کر، و د.ئەحمەد عەبدولحەمد عەبدولمەجید كەیسێن نۆكە یێن برێڤەبرنا نەخۆشیێن گەهێ دەڤ و ددانان پێشکێش کر. د. خالد عەلی سەعید بابەتەكێ ب بوها پێشکێش کر سەبارەت وان هۆکارێن کو کاریگەریێ ل سەر دیزاینێ گرنژینێ هەیە، و د. شاکار س. حەسەن ب پێشکێشکرنا (سینەرجیا) دوماهی ب بابەتان ئینا.

چالاکیێ کو ب هەڤکاری دگەل کۆمپانیا هایجین هاتبوو رێكخستن ب پەیڤا بدوماهیك ئینانێ و دابشكرنا بڕوانامان ل سەر پشكداران و وێنەیەکێ گروپی بدوماهی هات.

ئەڤ سیمپۆزیۆمە دەرفەتەکا نایاب بوو بۆ کەسانێن پسپۆڕ بۆ ئاڵوگۆڕیا زانیاریان، ئەڤە ژی ڕەنگدانا پابەندبوونا زانکۆیا دهۆک بوو بۆ پێشئێخستنا خواندن و ڤەكۆلینێن پزیشکیا ددانان.

راگەهاندنا زانكۆیا دهۆك، 22ـی تەباخێ، 2024

فاطمة محمود

فۆتۆ: محەمەد عەبدولكەریم