زانكۆیا دھۆك ب ھەڤكاری ل گەل بنگەهێ لالش یێ رەوشەنبیری و کۆمەلایەتی، كۆنفرانسێ ناڤدەولەتی ب ناڤۆنیشانێ: ئێزدی: ئایین و كەلتور و مێژوو و جوگرافیا ERHHG-2025 رادگەھینیت، كو دێ د ماوێ د ناڤبەرا ٢٩ تا ٣٠ـی نیسانا ٢٠٢٥ ل زانكۆیا دھۆك ل ھەرێما كوردستانێ ھێتە ئەنجامدان، ب ئەڤێ ھەلكەڤتا مێژوویی داخوازێ ژ ڤەكۆلەر و زانا و بسپۆر و تایبەتمەندا دكەت بۆ ڤەدیتنا ناسناما دەولەمەند یا فرە لایەن بۆ جڤاكێ ئێزدی ب رێكا رەھەندێن وی یێن ئایینی و مێژوویی و كەلتۆری و جوگرافی.

نێرینەكا گشتی ل دۆر كۆنفرانسی:

گەلێ ئێزدی كو ب ناڤێ ئەیزیددی، یەزیدی، یەزدانی، دھێنە نیاسین، بۆ ماوەیەكێ دویر و درێژ تووشی لادانێن ئایینی و كەلتۆری بووینە. سەرەرای ھەبوونا وان یامێژووی یا مەزن، كو ب درێژاھیا باكورێ رۆژئاڤا سوریا و باشورێ رۆژھەلاتا توركیا و باكورێ عیراقێ ھەنە، نوینەراتیا كەلتۆرێ وان ب شێوەیێ پێدڤی د ناڤەندێن ئەكادیمی دا نە ھاتیە كرن. ئارمانجا ڤی كۆنفرانسی دابینكرنا مەكۆیەكێ تایبەتە بۆ كارلێكرنێ ل گەل میراتێ كەلتۆری یێ جیاواز یێ ئێزدیا و چارەسەركرنا پشكداریكرنێن وان یێن مێژوویی و ئاستەنگێن ھەڤچەرخ.

ئارمانج:

كۆنفرانسێ ERHHG-2025 ھەولا بدەستڤەئینانا ئەڤان ئارمانجان ددەت:

1 – ناساندنا مێژوویا ئێزدیا و پشكنینا رویدانێن سەرەكی یێن گەشەكرنا وان یا جڤاكی پێكئینای.

2 – كویر تێگەھشتنا بیروباوەرێن ئایینێ ئێزدی و رێورەسمێن پیرۆز و بنەمایێن ئیلاھی.

3 – پەرەپێدانا دانوستاندنێ ل دۆر پاراستنا كەلتۆرێ ئێزدی و داب و نەریتێن زارەكی و ھونەر و ئەدەبی.

4 – شرۆڤەكرنا ئاستەنگێن ھەڤچەرخ وەكو ئاوارەبوون و سەركوتكرن، ل گەل ستراتیجییەتێن نەرماتی.

5 – ھاندانا لێكگوھرین و ھەڤكاریێ د ناڤبەرا كەلتۆرا دا.

6 – دانانا بنەمایێن ئەكادیمی بۆ ڤەكۆلینێن ئێزدیا یێن درێژخایەن.

بابەت:

ھاندانا پشكداریێ د كۆنفرانسی دا د ئەڤان بابەتێن ل خوارێ دھێتەكرن:

• ئایینێ ئێزدی: بیروباوەرێن سەرەكی و دەقێن پیرۆز و رێورەسم و ئاستەنگێن نوكە د ڤەكۆلینێن ئایینی دا.
• دەوروبەرێن مێژوویی و سیاسی: ڤەگێرانا مێژوویی یا ئێزدیا، مشەختبوون، رۆلێ وان یێ سیاسی ل عیراقێ و ھەرێما كوردستانێ.
• جوگرافیا و ئابوور: دابەشبوونا ئاكنجیێن ئێزدی، گرنگیا شنگالێ، ئەنجامدانێن ئابووری.
• ئەدەب و كەلتۆر و فۆلكلۆر: پاراستنا فۆلكلۆرێ ئێزدی و نەریتێن زارەكی و ئەدەبێ ئایینی.

رێنماییێن پێشكێشكرنێ:

• دویماھی ژڤانێ پێشكێشكرنا پوختێن ڤەكۆلینا 1 کانوونا ئێکێ 2024
• ئاگەھداریا وەرگرتنێ: 5 کانوونا ئێکێ 2024
• دویماھی ژڤانێ پێشكێشكرنا ڤەكۆلینێ: 5 ئادارێ 2025
• ئاگەھداریا وەرگرتنا دویماھیێ: 5 نیسابێ 2025

ھیڤیە پوختە و ڤەكۆلین ب رێكا پۆرتالێ كۆنفرانسی یێ فەرمی erhhg.uod.ac یان ب رێكا پۆستێ ئەلیكترونی [email protected] بھێنە پێشكێشكرن.

پێزانینێن گرنگ:

كۆنفرانسێ ERHHG-2025 دێ ل سەنتەرێ كۆنفرانسا ل زانكۆیا دھۆك ھێتە ئەنجامدان، دێ ئامادەبووی مفای ژ گوتارێن سەرەكی و گەنگەشێن ب كوم و روینشتنێن دی وەرگرن، كو دێ پەرەپێدانا ژینگەھا ھەڤكاریێ بۆ ڤەكۆلین و دانوستاندنا ئێزدییا كەت، دیسان ڤەكۆلینێن ھەلبژارتی دێ د ھژمارەكا تایبەت یا بەلاڤكریێن كۆنفرانسی دا ھێنە بەلاڤكرن.

پێزانینێن پەیوەندیكرنێ:

بۆ پێزانینێن زێدەتر، پەیوەندیێ بكە ب:

د. سعيد خديده علو

سەرۆكێ كۆنفرانسی

زانكۆیا دھۆك، ھەرێما كوردستانا عیراقێ

ژمارا تەلەفۆنێ: 009647504504614

ب ھیڤیا پشكداریكرنا ھەوەیێن رێزدار كو ببیتە ڤەدیتنەكا ئارمانجدار بۆ كەلتۆر و ڤەكۆلینێن ئێزدی.

راگەهاندنا زانکۆیا دهۆک؛ ٣١ـی چریا ئێکێ ٢٠٢٤