"ديدارا خواندنا بلند: ئوردن-کوردستان" کو ب هەڤپشكی یا وەزارەتێن خواندنا بلندا شاهنشینا ئوردنی یا هاشمی و هەرێما کوردستانێ هاتبوو رێكخستن، پشتی دەستپێکرنا وێ ل هەولێرا پایتەخت و سلێمانیێ؛ ل دهۆکێ بەردەوام بوو. ل ٨ـی گولانا ٢٠٢٤، دیدار ژ لایێ زانکۆیا دهۆکێ ڤە هاتە ئەنجام دان،و ئارمانجا وێ بهێزكرنا پەیوەندیێن ئەکادیمی و زەمینە خۆشکرن بوو بۆ هەڤكاریێن داهاتی ل بوارێ ڤەكۆلینان، لێكگوهۆرینا قوتابیان، و پڕۆژێن زانستیی.

پارێزگارێ دهۆکێ، د.عەلی تەتەر، تیشک ئێخستە سەر پەیوەندیێن مێژوویی یێن بهێز دناڤبەرا هەردوو لایان دا، ب تایبەتی پشتی ساڵا ٢٠٠٣، جەخت ل سەر شیانێن هەردوو لایان كر بۆ چارەسەرکرنا ئاستەنگێن کۆمەڵگەهێ. د دەمەكی دا كو سەرۆکێ زانكۆیا دهۆك، د. داوود سلێمان ئەتروشی، بخێرهاتنا شاندێ ئوردنی کر، بناڤێ زانکۆیێن دهۆکێ، و هیڤیێن خو دەربڕین بۆ هەڤكاریا بەرهەمدار بۆ خزمەتکرنا هەمی کۆمەڵگەهێ.

نوینەرێن ٧ زانکۆیێن دهۆکێ بۆ ئامادەبوویان هاتنە ناساندن. پاشان، د.محەمەد حسێن ئەحمەد، ب نوینەراتیا وەزیرێ خواندنا بلند ل حکومەتا هەرێما کوردستانێ پەیڤەك پێشکەش کر، تێدا پاڵپشتیا ڤێ دەستپێشخەریێ کر. ژ لایەكێ دی ڤە، د. نەزیر عوبێدات، سەرۆکێ زانکۆیا ئوردن و نوینەرێ شاندێ ئوردن، سوپاسیا خو دەربڕی و ستایشا دەوڵەمەندیا بەرفرەها دهۆکێ کر وەک دەرگەهەكی نموونەیی بۆ زانکۆیان بۆڤەكۆلینان. پاشی، ئەوی سەرۆکێن زانکۆیێن ئوردنی یێن كو ٢١ بوون بۆ ئامادەبوویان ناساندن.

كورتیەك ل سەر خواندنا بلندا ئوردنی، ب رێكا پارچە ڤیدیۆیەكێ هاتە نیشاندان کو خاڵێن هێزاوێ پێشان ددان. و ل دویڤدا، پوختەیەك ل سەر رەوشا هەر زانکۆیەکا ل دهۆکێ، کو ژ لایێ نوینەرێن زانکۆیان ڤە هاتە پێشکێشكرن. ژ لایێ خو ڤە، د. داوود باس ل مێژوویا زانكۆیا دهۆك كر و پێشڤەچوونێن ڤێ دوماهیێ دیار كرن، ژ وانا ژی پلانا ستراتیژی کو گرنگیێ ددەتە کوالێتیا خواندنێ و ڤەكۆلینان.

ئامادەبوویان خوشی ژكورتە ڤیدیۆەكی وەرگرت كو جهێن گرنگێن پارێزگەها دهۆکێ پیشاندا و پێشاندانەكا فۆلکلۆری كو ژ لایێ تیما دهۆکێ ڤە هاتە پێشكێشكرن. چالاكی ب ئێمزاكرنا یاداشتنامێن لێکتێگەهشتنێ ل ناڤبەرا زانکۆیێن بەشدار ب دوماهی هات، کو ئاماژەیە بۆ ئامادەییا هەڤكاریێ.

بۆ داونلۆدکرنا وێنێن ب کوالتیا بلند، لینکێ ل خوارێ کلیک بکە:

https://drive.google.com/drive/folders/1fv2i74iZIQ-_kBBS1LaiUySxAeYAocWl?usp=sharing

راگەهاندنا زانکۆیا دهۆک:٢٠٢٤/٥/١٠

فاطمە محمود

فۆتو: محەمەد عبدولکەریم