ل ڕۆژا ١٤ـی چریا دووێ، ٢٠٢٤، هەرسێ کۆلیژێن پزیشکی و پزیشکیا ددانان و دەرمانسازی ئێکەمین چالاکیا هەڤپشک ب ناڤێ MDP-٢٠٢٤-دهۆک ل سەنتەرێ کۆنفرانسان ل زانکۆیا ئەنجامدا، کو ژ لایێ ئێکەتیا قوتابیێن کوردستانێ یا هەرسێ کۆلیژان هاتبوو ڕێکخستن و ب ئامادەبوونا ستافێ ئەکادیمی یێ کۆلیژا و قۆتابی و پزیشکێن دهۆکێ برێڤەچوو.

ڤێ هەلکەفتێ وەک پلاتفۆرمەکێ کارکر بۆ تێکەلکرنا بسپۆرێن پزیشکی و قوتابیێن هەرسێ بوارێن پزیشکی و زێدەکرنا لێکتێگەهشتنێ د ناڤبەرا وان دا، و گەڕیانەک ل دویڤ چارەسەریان دا بوو بۆ هەڤڕکیێن ئەڤرو د کەرتێ پزیشکی دا. ب سپۆنسەریا پایۆنیر، سپلات، دەرمانخانەیا ئۆپس و ئامرلاب، چالاکیێ بەژداریەکا چالاکانە یا قۆتابیێن پزیشکی ب خو ڤە دیت.

ل دەستپێکێ، گۆتارا دەسپێکی یا سەرۆکێ زانکۆیا دهۆک ژ لایێ ڕاگرێ کۆلێژا پزیشکی ڤە، د. دلدار حاجی هاتە پێشکێشکرن کو تێدا تیشک ئێخستە سەر گرنگیا ڤێ کۆمبوونێ. پاشی، قۆتابی ئێڤار شوکری نوێنەرایەتیا ئێکەتیا قوتابیێن کوردستانێ کر د گۆتارەکێ دا دەمێ سوپاسگوزاریا خو بۆ سەرۆکاتیا زانکۆیا دهۆک دەربڕی بۆ پشتگریکرن ل چالاکیێ.

ل دویڤ دا، گۆتارەک ژ لایێ د. بەیارئەحمەد قاسم ڤە هاتە پێشکێشکرن، کو تێدا کورتیەک لسەرپەرتووکا ڤێ دووماهیێ یا خۆ "هێمایێن مێژوویی د زانستێ رژێن و شەکرێ دا" پێشکێش کر کو ب هەڤکاریا ١٠ ژ قوتابیێن پزیشکی ل کۆلیژا پزیشکی بەلاڤكریە. و هەمی ژ لایێ سەندیکا پزیشکێن کوردستان-دهۆکێ ڤە هاتنە رێزلێنان ژبەر هەوڵەێن وان د پەرتۆکێ دا.

هەروەسا، ڕاگرێن کۆلیژێن پزیشکی و پزیشکیا ددانان و دەرمانسازی دگەل دەرچوویێن ئێكەمین یێن سالێن پێشتر ژلایێ ڕێکخەرێن چالاکیێ ڤە هاتنە رێزلێنان.

گۆتارەکا دی ژلایێ د. سەرگون داوید ڤە، ل کۆلیژا پزیشکیا ددانان هاتە پێشكێشكرن. باس ل ڕۆڵێ گڕنگێ تەندروستیا دەڤ و ددانان کر بۆ سەروچاڤ و هەمی جەستەی، هەروەسا جەخت ل سەر وی ڕۆڵێ مەزن کر کو پزیشکیا ددانان دگێریت د ژیانا مرۆڤی دا. هەروەسا، تیشک ئێخستە سەر مێژوویا پزیشکیا ددانان زێدەباری پەیڤێن پتریا زانا و فەیلەسوفێن بناڤودەنگێن هەمی سەردەمان دیارکر.

و هەر د دەمێ چاڵاکیێ دا، سپۆنسەران بەژداری د هەڤبەشکرنا پیشەسازی و بەرهەمەێن خو بۆ ئامادەبوویان کر.

ژ لایێ خۆ ڤە، د. عەبدولعەزیز م. بریفکانی، نەخۆشیێن خوێنهێنەرێ تاجی دیاركرن دگەل نەخۆشیێن دلی ب گشتی. و داخواز کر پشت ب شێوازێ ژیانەكا تەندروستتر ببەستین كو ل دۆر چالاکیا جەستەیی و خۆراکێ تەندروست و ژیانا ڕۆژانە یا بێ سترێس دزڤڕیت.

ڕۆژ ب ڕێزلێنان ل سێ نوێنەرێن ئێكەتیا قوتابیێن كوردستانێ ل کۆلێژێن پزیشکی و پزیشکیا ددانان و دەرمانسازی بەردەوام بوو.

دۆماهیک گۆتار ژلایێ کۆلیژا دەرمانسازی، ب نوینەرایەتیا د. هند بەهزاد ب هەڤکاریا دەرچوویێ دەرمانسازی، مامەند، هاتە پێشكێشكرن. هەردووکان رۆناهی ئێخستە سەر وان گۆهرینێن مەزن کو زانست رووبروو دبیت وەك تەكنۆلۆژیا ئەڤرو هەی، ب تایبەتی د کەرتێن پزیشکی و بوارێن چاڤدێریا ساخلەمی دا. پێشبینیێن نۆکە و داهاتی گرێدای زیرەكیا دەستكرد د چالاکیێن چاڤدێریا ساخلەمی دا بۆ ئامادەبوویان هاتنە باسکرن.

ب دوماهیئینانا گۆتارێن جودا، چالاکی گەهشتە دوماهیێ پشتی کو کاریگەرییەکا بەرچاڤ هەبوو ل بەستنا پسپۆڕێن هەر سێ کەرتێن پزیشکی پێکڤە بۆ ئێکەمجار د ماوەکی دا.

راگەهاندنا زانكۆیا دهۆك،

فاطمة محمود

وەرگێران: مێهڤان مەحەمەد سالح

فۆتۆ: عەلی بانکی