ئەڤرۆ رۆژا چوارشەمبی رێکەڤتی ٤ـی تیرمەهێ ٢٠٢٤، سمپۆزیومەكا زانستی ژ لایێ زانكۆیا دھۆك ڤە ب ھەڤكاری ل گەل كۆمپانیا زاینۆڤا یا دەرمانا، بۆ ھژمارەكا پزیشكێن تایبەتمەند ب ئامادەبوونا راگرێ كۆلیژا پزیشكی د. دلدار حاجی موسا و ھژمارەكا پزیشكێن تایبەتمەند و پزیشكێن گەنج ل دۆر پێشكێشكرنا كەیسێن دەگمەن د بوارێ نەخۆشیێن دل و ھناڤان دا ئەنجامدا.

ل دەستپێكێ راگرێ كۆلیژا پزیشکی، د. دلدار حاجی موسا دەستخوشی ل رێکخەر و ئامادەبوویا کر و دیاركر سەرەرایی بێهنڤەدانا وەرزێ هاڤینێ بەلێ كۆلیژا پزیشکی یا بەردەوامە ل سەر چالاکیێن زانستی و ئەكادیمی، دیسان ئارمانج ژ سمپۆزیومێ دیاركر كو مفاوەرگرتنا پزیشكێن گەنجە ژ سەربور و شیانێن پزیشكێن تایبەتمەند و دیاركرنا كەیسێن دەگمەن ل دەمێ چارەسەركرنا نەخۆشا.

ل دویڤ دا د. عەبدولعەزیز موحسن بریفکانی، تایبەتمەندێ نەخۆشیێن دل و هناڤا و قەستەڕا دلی و د. زانا سەدیق محەمەد تایبەتمەندێ نەخۆشیێن گولچیسكا باس ل كەیسێن دەگمەن و كێم وێنە یێن ژ لایێ وان ڤە ھاتینە چارەسەركرن كر.

ل دوماهیێ دانوستاندنێن رژد دناڤبەرا ئامادەبوویا ژ پزیشكێن نوی و پشكدارێن سمپۆزیومێ ھاتنە ئەنجامدان، بۆ مفاوەرگرتن ژ سەربوور و كەیسێن دەگمەن و مفاوەرگرتن ژ شارەزاییا پزیشكێن تایبەتمەند یێن پشكداری سمپۆزیومێ.

ڕاگەهاندنا زانکۆیا دهوک؛ ٤ـی تیرمەهێ ٢٠٠٢٤

ئامادەکڕن: نیباڕێ حجی

فوتۆ : محمد عەبدولکەریم