چارەمین کۆنفرانسێ ناڤدەولەتی:بۆ پێشئێخستنا دەروونناسی و ساخلەمیا دەروونی
زانکۆیا دهۆک د ماوێ بوری دا مێهڤانداریا چارەمین کۆنفرانسێ ناڤدەولەتی کر ئەوێ ل ژێر ناڤونیشانێ “دەروونناسی و چارەسەریا دەروونی بۆ داهاتی: پێکڤە ب هیڤی”، ل ٢-٤ـی چریا دووێ، ٢٠٢٤، ل سەنتەرێ کۆنفرانسان ل زانکۆیێ. د ڤێ چالاکیێ دا، پسپۆڕ و زانایێن جیهانی ژ چەندین وەڵاتان کۆمبوون بۆ گفتوگۆکرنێ ل سەر پێشکەفتنێن چارەسەریا دەروونی و ساخبوون ژ تراومایێ و چاڤدێریا ساخلەمیا دەروونی. کۆنفرانس ب هەڤپشكی ژ لایێ پەیمانگەها چارەسەریا دەروونی و چارەسەریا تراومایێ (IPP) ل زانکۆیا دهۆک، و پەیمانگەها زانستێن ساخلەمیا ناڤكەلتۆری لەزانکۆیا DHBW ل ئەڵمانیا و خزمەتگوزاریا ئاشتیا سیڤیل یا هەڤکاریا ناڤدەوڵەتی یا ئەڵمانیا (GIZ) هاتە رێكخستن. كونفرانسی گەنگەشەیێن بهێز ل دۆر پرسێن گرنگێن ساخلەمیا دەروونی ساخكرن.
ل ڕۆژا ٢ـی مەها چریا دووێ، ل پێش دەستپێکرنا فەرمی یا کۆنفرانسی، پشكداران سەرەدانا کەمپێن ئاوارێن ناڤخۆیی و پەرستگەها پیرۆزا ئێزیدییان ل لالش کر. ئەڤێ چەندێ تێگەهشتنەكا دەستپێكی بۆ ئامادەبوویان سەبارەت ئاستەنگێن دەڤەرێ و پێدڤیێن دەروونی و کۆمەڵایەتی یێن خەلكی دابین کر.
کۆنفرانس ل ٣ـی چریا دووێ ب فەرمی دەستپێكر ب گۆتارێن د. داوود سلێمان ئەتروشی، سەرۆکێ زانکۆیا دهۆک؛ بەڕێز مەجید سەید ساڵح، جێگرێ پارێزگارێ دهۆکێ؛ و ئەلبرێخت ڤۆن ویتکە کونسوڵێ گشتی یێ ئەڵمانیا ل هەولێرێ و مێهڤانێن بەڕێزێن پیكهاتین ژ ئەکسێل گرافمانز ل GIZ، پڕۆفیسۆر دکتۆر جان ئیلهان کیزیلهان، ڕاگرێ IPP و چەندین پسپۆڕێن ناڤدەوڵەتیێن دەروونی.
پشتی مەراسیمێن دەستپێكرنا کۆنفرانسی، هەشت پانێڵ هاتنە پێشكێشكرن کو باس ل بابەتێن سەرەکی وەک چارەسەرکرنا تێکچوونا دەروونی، بەرسڤدانا تراومایێ و کاریگەریێن دەروونیێن کۆمەڵایەتی یێن توندوتیژیا ب کۆمەڵ كرن. پێشكێشكرنێن پسپۆڕێن ناڤخۆیی و جیهانی تێگەهشتنێن ڕەخنەگران سەبارەت ئالوزترین ئاستەنگێن بوارێن دەروونناسی و چارەسەریا دەروونی پێشکێش کرن.
پانێڵێن سەرەکی و گەنگەشە
٣ـی چریا دووێ:
پانێڵێ ئێکێ: پالپشتیا دەروونی یا کۆمەڵایەتی، چارەسەریا دەروونی و تراوما
د گەنگەشان دا، ڕۆڵێ ئایینی د ڕووبرووبوونا تراومایا دەروونی و کاریگەریا پرسێن کۆمەڵایەتی ل سەر ساخلەمیا دەروونی ل عێراقێ پشتی قەیرانێن مەزن هاتنە باس كرن.
پانێلێ دووێ: کارێ دەروونیێ کۆمەڵایەتی و چارەسەریا دەروونی د گەل زارۆكان و گەنجان/ئالوودەبوون
بابەت پێكهاتبوون ژ ADHD، چارەسەریا ئالوودەبوونێ، و کاریگەریێن تێکچوونا کەسایەتیێ ل سەر ساخلەمیا دەروونی ل دهۆکێ.
پانێڵێ سیێ: دەستێوەردانێن تایبەتمەندیێن جیاواز د جەنگی دا، ئەشکەنجەدان و رەڤین
ئەڤی پانێڵی دویڤچوونا تێكچوونا پشتی تراومایێ كر، ڕۆڵێ داکۆکیکرنێ ل پیشەیێن ساخلەمیا دەروونی، و پرسێن ناڤكەلتۆری د چارەسەریا دەروونی دا.
٤ـی چریا دووێ:
پانێڵێ چارێ: پەنابەر، ئاوارە، و ساخلەمیا دەروونی
ڤێ روینشتنێ تیشک ئێخستە سەر ئەوان ئاستەنگێن کو ڕووبڕووی خەلکێ ئاوارە دهۆکێ دبن و ستراتیژیێن باشترکرنا پاڵپشتیا ساخلەمیا دەروونی.
پانێڵێ پێنجێ: ڕۆلێ پەیمانگەها چارەسەریا دەروونی و چارەسەریا تراومایا دەروونی
گەنگەشە ل سەر پەرەسەندنا ڕۆڵێ چارەسەرکەرێن ل دەڤەری بوون.
- پانێلێ شەشێ: ئایندەیێ ساخلەمیا دەروونی ل کوردستانێ و عیراقێ
پسپۆڕان باس ل پەرەپێدانا خزمەتگوزاریێن ساخلەمیا دەروونی، ئاستەنگێن ل ساخلەمیا دەروونیا زارۆکان و چەسپاندنا یاسا ل چارەسەریا دەروونی دا کر.
- پانێڵێ هەفتێ: خزمەتگوزاریا ساخلەمیا دەروونی ل کوردستان
بابەت پێکهاتبوون ژ پێشکەفتن و ئاستەنگێن داهاتی ل چاڤدێریا ساخلەمیا دەروونیا زارۆکان.
- پانێڵێ هەشتێ: چارەسەریا دەروونی، کەلتۆر، و سۆشیال میدیا
ئەڤێ روینشتنێ تیشک ئێخستە سەر کاریگەریێن کەلتۆری ل سەر چارەسەریا دەروونی، ڕۆڵێ چارەسەرکەران، و کاریگەریێن سۆشیال میدیا ل سەر ساخلەمیا دەروونی.
ڕەنگڤەدان و دۆماهیئینان
کۆنفرانس ب مەراسیمێن دۆماهیئینانێ ب دۆماهی هات کو هەڤکاریا سەرکەفتی بلند هاتە نرخاندن و جەخت ل گرنگیا هەوڵێن بەردەوامێن بۆ باشترکرنا چاڤدێریا ساخلەمیا دەروونی ل کوردستان و دەرڤەی وەڵاتی کر.
ئەڤ هەلکەفتە جەخت ل سەر خۆبەخشیا زانکۆیا دهۆک دکەت بۆ پێشئێخستنا پەروەردێ و ڤەکۆلینێن ساخلەمیا دەروونی، ب تایبەتی ل چارچۆڤێ ململانێ و ساخبوونا پشتی ململانێ. ب ڕێکا هەڤشکیێ د گەل پەیمانگەها زانستیێن ساخلەمیا ناڤکەلتۆریا ئەڵمانیا و خزمەتگوزاریا ئاشتیا سڤیل GIZ، زانکۆیێ پلاتفۆرمەکا گرنگ بۆ هەڤکاریا زانستان و چارەسەریێن هەستیاریێن ساخلەمیا دەروونی ژ لایێ کەلتۆران ڤە دروست دکەت. کۆنفرانسی نموونەی هەوڵەکا ب کۆمەڵ بوو بۆ چارەسەرکرنا ئاستەنگێن گرنگێن ساخلەمیا دەروونی و پەروەردەکرنا خۆڕاگریێ د ناڤبەرا خەلکێ تووشی تراومایێ بووی، ئەڤە ژی پێشەنگیا زانکۆیا دهۆک دووپاتدکەت ل پێشئێخستنا خۆشگوزەرانیا دەروونی ل دەڤەرێ و دەرڤەی دەڤەرێ.
بۆ دیتنا وێنەیێن ب کوالیتیەکا بلند سەردانا ئەڤان لینکان بکەن:
[رۆژا ئێکێ]،
بۆ دیتنا رێورەسم و پانێلێن کۆنفرانسى لینکێن ل خوارێ کلیک بکە:
راگەهاندنا زانکۆیا دهۆک،
فاطمة محمود
فۆتۆ: مەحەمەد عەبدولکەریم، عەلی بانکی، وهەرمان جانگیر