زانكۆیا دهۆك پرۆگرامێ دیپلۆماسیێ ب هەڤپشکی ل گەل پەیمانگەها سیاسهتا جیهانێ رادگەهینیت
زانكۆیا دهۆك پرۆگرامێ دیپلۆماسیێ ب هەڤپشکی ل گەل پەیمانگەها سیاسهتا جیهانێ رادگەهینیت
زانكۆیا دهۆك بۆ سالا نوی یا خواندنێ 2024-2025، دیپلۆما ئێك سالی یا پیشەیی د بیاڤێ دیپلۆماسیێ دا، ب ههڤپشكی ل گهل ئهنستیتيۆیا سیاسهتا جیهانی (IWP) ل واشنگتۆن رادگەهینیت و 25 قوتابی دێ هێنه وهرگرتن.
باوهرناما دیپلۆمێ یا هەڤپشکە و پرۆگرامێ خواندنێ دێ د ناڤبهرا ههردوو سازیان دا (كۆلیژا زانستێن سیاسی ل زانكۆیا دهۆك، و ئهنستیتيۆیا سیاسهتا جیهانی ل وەلاتێن ئێکگرتیا ئەمریکا) هێته بجهئینان.
خواندنا دهستپێكێ دێ ل كۆلیژا زانستێن سیاسی ل زانكۆیا دهۆك بیت و ل دویڤ دا قوتابی ل ئهنستیتيۆیا سیاسهتا جیهانی ل واشنگتۆن دێ بهردەوامیێ ب خواندنێ دهن.
ئهنستیتۆیا سیاسهتا جیهانی ل واشنگتۆن ئێك ژ گرنگترین سازیێن ئهكادیمی یه ل سهر ئاستێ ئهمریكا و جیهانێ ل بسپۆریێن جودا یێن زانستێن سیاسی - دیپلۆماسی و ب تایبهت ئاسایش - پاراستن، زانیاری و هەوالگێری، و پتریا دهرچوویێن ڤێ ئهنستیتۆیێ دهستهكێ بالا هەیە د دروستکرنا بریارێن سیاسی (decision-making) ل ئهمریكا و جیهانێ.
مەرجێن وەرگرتنێ:
- هەلگرێ باوەرناما بەکالۆریۆسێ بیت.
- هەلگرێ باوەرناما زمانێ ئینگلیزى بیت: ئێک ژ ئەڤان مەرجان دەستەبەر کەت:
ا. باوەرناما (Pre-intermediate) ب شێوازێ کەڤن یان (Intermediate) ب شێوازێ نوی ل سەنتەرێن زمانى ل زانکۆیێن حکومى ل هەرێما کوردستانێ.
ب. نمرا (5) یا (IELTS-Academic) یا نێڤدەولەتى یان هاوتایێن وێ ژ (TOEFL-PBT 414, TOEFL-iBT 59, Pearson Academic-PTE 52).
- ماوێ پێشکێشکرنێ ژ ١٢/٩/٢٠٢٤ دەسپێدکەت تا ٢٥/٩/٢٠٢٤.
- جاڤپێکەڤتن ل رێکەڤتى ٢٩/٩/٢٠٢٤، ل سەر هژمارەکا بابەتێن گشتى، ب تایبەتی بابەتێن دیپلۆماسى، ب زمانێ ئینگلیزى، کوردى و عەرەبى ل کۆلیژێ دێ هێتە ئەنجامدان.
- دەستپێکرنا سمستەرێ ئێکێ ل رێکەڤتى ١٣/١٠/٢٠٢٤ ل کۆلیژا زانستێن سیاسى و هەروەسا نیڤا دوویێ یا سمستەرێ دوویێ دێ خواندن ل ئەمریکا بیت.
- هەمى خەرجیێن وەرگرتنا ئەڤێ باوەرنامێ دێ ژلایێ قوتابى ڤە هێنە دابینکرن، ئانکو دێ ب شێوازێ پارالێل بیت.
بۆ چەوانیا پێشکێشکرنێ سەرەدانا کۆلیژا زانستێن سیاسی یا زانکۆیا دهۆک بکە بۆ وەرگرتنا کۆدەکی دا زانیاریێن خۆ پربکەی ب رێکا ئەڤی لینکی:
هەروەسا چاڤپێکەڤتن ل سەر بنەمایێ جەندین بابەتێن گشتی ب تایبەتی سیاسی، ب هەرسێ زمانێن کوردی و عەرەبی و ئنگلیزی، ل رێکەڤتی ٢٩ـی ئیلۆنێ ٢٠٢٤، ل کۆلیژا زانستێن سیاسی دێ هێتە ئەنجامدان
بۆ پتر پێزانینان تەماشەی دۆکیومێنتێن هەڤپێچ بکە یان سەرەدانا سەرۆکاتیا زانکۆیا دهۆک- رێڤەبەریا خواندنا بلند و ناردنێ یان ژی کۆلیژا زانستێن سیاسی بکە:
ڤێرێ کلیک بکە بۆدیتنا دۆکیومێنتێن هەڤپێچ:
راگەهاندنا زانکۆیا دهۆک؛ ١٢ـی ئیلۆنێ ٢٠٢٤
رەمەزان شەعبان