زانکۆیا دهۆک و KAAE دێ وۆرکشۆپەکی ل دۆر پیڤەرێن بنەرەتێن باوەریپێکرنێ ئەنجامدەن
دەم: ١٦ـی چریا ئێكێ ٢٠٢٤
جھ: زانكۆیا دھۆك
زانكۆیا دھۆك ب ھەڤپشكی ل گەل دەستەیا باوەرپێكرنا ئەكادیمی ل ھەرێما كوردستانێ KAAE، ئەنجامدانا وۆركشۆپەك ل دۆر ھەلسەنگاندنا پیڤەرێن بنەرەتیێن باوەرپێكرنێ رادگەھینیت. ئەڤ وۆركشۆپە ب پێنگاڤا دەستپێكێ د گەشتا باوەرپێكرنا سازیێن خواندنا بلند سەرانسەری ھەرێمێ دھێتە ھژمارتن.
وۆركشۆپ دێ تەكەزێ ل سەر ھەلسەنگاندنا پیڤەرێن بنەرەتی یێن پێدڤی ل دەڤ سازیان بۆ ب دەستڤەئینانا باوەرپێكرنێ كەت، بابەتێن سەرەكی یێن گرنگ یێن سازی و حوكمداری و بەرنامەیێن ئەكادیمی ژێدەر و زەلالیێ بخۆڤەدگریت، دیسان گەرەنتیكرنا وەكھەڤی ل گەل پیڤەرێن بنەرەتی یێن باوەرپێكرنا ئەكادیمی ل ھەرێما كوردستانێ.
دیارترین چالاكیێن وۆركشۆپی:
- ھەلسەنگاندنا ئامادەییا سازیا بۆ باوەرپێكرنێ.
- سەلماندنا ھەبوونا بەلگەیا ل سەر دلنیا جۆری و حوكمداری.
- پلاندانان بۆ پێگیربوونا دومدار بۆ پیڤەرێن باوەرپێكرنێ.
ئەڤ وۆركشۆپە پشكەكا سەرەكە ژ پرۆسێسا باوەرپێكرنێ كو سێ قۆناغا بخۆڤەدگریت ئەوژی: قوناغا شایستەبوونێ، كو پێدڤیە ل سەر سازیا بەرھەڤییا خۆ ب سەلمینیت؛ قوناغا كاندیدكرنێ، كو پلاندنانا ستراتیجی بۆ دابینكرنا پیڤەرێن ھویر بخۆڤەدگریت، وقوناغا باوەرپێكرنا دەستپێكی، كو پێدڤیە سازی پێگیریا تمام بۆ پیڤەرێن دەستەیا باوەرپێكرنێ بكەن ب رێكا ھەلسەنگاندنا خۆدی یا توند و پێداچوونا دەرڤە.
پشكدارێن ڤی وۆركشۆپی دێ نێرینەكا رەخنەیی ل دۆر پرۆسێسا باوەرپێكرنێ و پێنگاڤێن دەستپێكێ بەرەڤ دیاربوونا پێگیریێ ب جیاوازیا فێركرنێ ب دەستڤەئینن.
راگەھاندنا زانكۆیا دھۆك؛ ٦ـی چریا ئێكێ ٢٠٢٤