زانكۆیا دهۆك رادگەهینیت كو سیستەمێ ڤەگۆهاستنا د ناڤ كەمپا زانكۆیێ دا T-UoD ژ 15ـی چریا ئێكێ، 2024ـێ وەرە كەفتەكاری، و د نۆكە دا، قوتابی و مامۆستا و فەرمانبەرێن زانكۆیا دهۆك دشێن مفایێ ژ ڤی سیستەمی ببینن.

سیستەمێ تەكسیان د ناڤ كەمپا زانكۆیا دهۆك دا، T-UoD، ڤەگۆهاستنەكا ب ساناهی و بێ كێشە بۆ هەر كەسێ د ناڤ زانكۆیا دهۆك دا تەرخان دكەت برێكا ئەپلیكەیشنەكی كو ل سەر سیستەمێن IOS و Android كاردكەت.

پرۆگرامێ T-UoD وەك دەستپێشخەرییەكا پشكا كۆمپیوتەری ل كۆلیژا زانست ل زانكۆیا دهۆك ب هەماهەنگی و پالپشتیا سەرۆكاتیا زانكۆیا دهۆكە، كو پرۆژێ دەرچوونێ یێن كۆمەكا قوتابیێن قۆناغا چارێ بوو یێن سالا 2023-2024.

ئەڤ ئەپلیكەیشنە بۆ داخوازكرنا تەكسیان و زانینا دەمێ راوەستاندنا پاسان ل جهێن دەستنیشانكری و دابینكرنا ترۆمبێلێن تایبەت دهێتە بكارئینان.وتا نۆكە، 75 ترۆمبێلێن تەكسی هاتینە تۆماركرن د سیستەمێ T-UoD دا و دئامادەنە بۆ پێشكێشكرنا خزمەتێن ڤەگۆهاستنێ.

بۆ مفاوەرگرتنێ ژ ڤێ خزمەتگۆزاریێ، پێدڤیە ئەپلیكەیشن بهێتە دابەزاندن ل سەر ئامیرێن مۆبایلێن زیرەك. و پاشی پێنگاڤێن خۆتۆماركرنێ بهینە ئەنجامدان بۆ ناڤ ئەپلیكەیشنی. پشتی خۆتۆماركرنێ و چێكرنا هژمارەكا تایبەت، برێكا دەستنیشانكرنا جهێ مرۆڤ لێ وجهێ مرۆڤ حەزدكەت بچیتێ، دێ تەكسی هێتە دابینكرن و ڤەگۆهاستنەكا ب ساناهی وسەردەمیانە هێتە ئەنجامدان.

ئەڤ پرۆژە ئێك ژ وان دەستپێشخەریایە یێن كو زانكۆیا دهۆك وەك ئەولەویەتەكا سەەرەكی دهژمێریت كو زانكۆیا دهۆك هەردەم هەولددەت كاروخزمەتێن پێدڤی بۆ باشتركرنا ژیانا د ناڤا كەمپا زانكۆیێ دا بۆ قوتابی، مامۆستا، و فەرمانبەران پێشكێشكەت.

بۆ دیتنا ڤیدیۆیێن فێركاری ل دۆر دابەزاندنا ئەپلیكەیشنی و خۆتۆماركرنێ و داخوازكرنا تەكسیان، وهەروەسا لینكێ ئێكسەر بۆ ئەپلیكەیشنی، ئەڤي لینكی كلیك بكە: ڤیدیو و ئەپلیكەیشن

بۆ هەر ئاریشەكا د دابەزاندنا ئەپلیكەیشنی دا یان خۆتۆماركرنێ یان ژی داخوازكرنا تەكسیان دا، پەیوەندیێ ب ئیمێلێ خزمەتێن چارەسەریێ بكە، mailto:[email protected]

راگەهاندنا زانكۆیا دهۆك، 19ـی كانوونا ئێكێ، 2024

فاطمة محمود