ئەرشیفێ میدیایێ دیجیتاڵی یێ زانکۆیێ، یێ کو ژ لایێ ڕێڤەبەریا ڕاگەهاندن و پەیوەندیێن گشتی (DOPR) ڤە دهێتە برێڤەبرن، ئێکە ژ ببهاترین ژێدەرێن دیرۆکی و ئەکادیمی یێن ل بەردەست ل زانکۆیا دهۆکێ (UOD). ب ڕێکا ڤەگوهاستنا ڕاگەهاندنێ، دۆکیۆمێنتکرن و ڤەگێڕانا چیرۆکان کو بۆ پتر ژ ٣٠ سالان درێژ دبیت، ئەڤ ئەرشیفە قۆناغێن پێشخستنا دەزگەهێ مە ژ ڕۆژێن دەستپێکا دامەزراندنێ تا دگەهیتە پێگەهێ وێ یێ نوکە وەک زانکۆیەکا پێشەنگ ل دەڤەرێ بەرجەستە دکەت.

وەک پشکەک ژ دەسپێشخەرییا وەرچەرخانا دیجیتاڵی یا ستراتیژی یا زانکۆیا دهۆکێ، تیمێ ڕێڤەبەریا ڕاگەهاندن و پەیوەندیێن گشتی (DOPR) سەدان دەمژمێرێن ڤیدیۆیان، بابەتێن ڕۆژنامەڤانی، و تۆمارێن دی یێن فرە-میدیایێ، زێدەباری وێنەیێن فۆتۆگرافی ب هوویری و چاڤدێرییەکا مەزن دیجیتاڵیزە کرینە (کرینە دیجیتاڵی). ئەڤرۆ ژی، ئەرشیفێ میدیایێ دیجیتاڵی نەک ب تنێ گەنجینەیەکا بینایی یە، بەلکو ئامرازەکێ ڤەکۆلینێ یێ داینامیکی یە کو خزمەتا جڤاکێ مە یێ ئەکادیمی و لایەنێن دەرەکی یێن پەیوەندیدار دکەت.