بۆ پتر هایداربوون ژ رەوشا رێڤەبەریا راگەهاندنا زانكۆیا دهۆك گەنگەشەکرنا پلان و پرۆژێن بڕیارە بهێنە بجهئینان، ئەڤرۆ رێكەڤتی ٢٣ـی نیسانا ٢٠٢٦ـێ، سەرۆكێ زانكۆیا دهۆك د. داود سلیمان ئەتروشی، سەرەدانەك بۆ رێڤەبەریا راگەهاندنا زانكۆیێ ئەنجامدا و ژلایێ عسمەت خابوور، رێڤەبەرێ راگەهاندنێ و ستافێ وێ ڤە پێشوازی لێ هاتەكرن. د روینشتنەکێ دا، سەرۆكی زانكۆیێ دەستخۆشی ل ستافێ راگەهاندنێ كر و تەكەزی ل رۆلێ بەرچاڤێ رێڤەبەریا راگەهاندنێ كر د گەهاندنا دەنگێ زانكۆیێ دا بۆ ژدەرڤە، و دیاركر ژی كو راگەهاندنا زانكۆیا دهۆك بوویە پێشرەوەکێ دیار د بیاڤێ راگەهاندنێ دا ل دەڤەرێ. د درێژاهیا كۆمبوونێ دا، گەنگەشەیێن بەرهەمدار د ناڤبەرا سەرۆكێ زانكۆیێ و ستافێ راگەهاندنێ دا ل دۆر بابەتێن ستراتیژیەت و میكانیزمێن كارێ راگەهاندنا زانكۆیێ و پرۆژە و پێنگاڤێن داهاتی یێن كاركرنێ بۆ زانکۆیێ، کو دێ د دەمەکێ نێزیک دا هێنە راگەهاندن.
راگەهاندنا زانکۆیا دهۆک؛ ٢٣ـێ نیسانێ ٢٠٢٦