پڕۆژێ (PAR) دەستپێشخەریەکا ڤەکۆلینێ یە کو ژ لایێ گەنجان ڤە دهێتە ڕێڤەبرن و ژ لایێ زانکۆیا دهۆکێ ڤە هاتیە ڕاگەهاندن، ژ پێخەمەت چارەسەرکرنا کێشەیا کێمی و پیسبوونا ئاڤێ ل پارێزگەها دهۆکێ. ئەڤ پڕۆژە ب سەرپەرشتیا د. محمد عزیز ابراهیم، ڕاگرێ کۆلێژا زانست، و ب هەڤکاری دگەل ڕێکخراوا یونسێف (UNICEF) دهێتە بڕێڤەبرن؛ کو تێدا شیان ب قوتابیان دهێنە دان بۆ دارشتن و جێبەجێکرنا چارەسەریێن بەردەوام (Sustainable solutions) ب ڕێکا ڤەکۆلینێن زانستی، کارێ مەیدانی، و پشکداریکرنا جڤاکی.
ژ ئەنجامێن سەرەکی یێن ڤێ دەستپێشخەریێ: ئەنجامدانا هەشت پڕۆژەیان ژ لایێ گەنجان ڤە، بلندکرنا ئاستێ هوشیاریا گشتی، و پێشکێشکرنا ڕاسپاردە و پێشنیارێن بۆ جهێن شولەژێ (Policy recommendations) بۆ باشترکرنا ڕێڤەبرنا ژێدەرێن ئاڤێ.
ب سەرپەرشتیا (د. محمد عزیز ابراهیم) راگرێ کۆلێژا زانست ل زانکۆیا دهۆکێ, ب هەڤپشکی دگەل (رێکخراوا UNICEF)
بۆ بەرهەنگاربوونا ئاریشەیێن ژینگەهی یێن روو ل زێدەبوونێ ل پارێزگەها دهۆکێ، زانکۆیا دهۆکێ ب سەرپەرشتیا راستەوخۆ یا د. محمد عزیز ابراهیم، راگرێ کۆلێژا زانست، و ب هەڤکاری دگەل رێکخراوا UNICEF، دەستپێشخەریەکا ڤەکۆلینێ یا پێشەنگ بناڤێ "ڤەکۆلینا بپشکداری یا کارا (PAR)" راگەهاند. پرۆژە تیشکێ دهاڤێژیتە سەر ئاریشەیێن هەستیار یێن وەک کێمئاڤی و پیسبوونا ئاڤێ، و کارتێکرنێن وان یێن جڤاکی، ژینگەهی و تەندروستی ل سەر خەلکێ خۆجهی دەڤەرێ.
ئەڤ دەستپێشخەرییا گەنجان وەک هێزەکا گۆهرینێ ددانێت، و کەرەستە و زانیاریێن پێدڤی بۆ وان دابین دکەت دا کو پشکداریێ د ڤەکۆلینێن ل سەر بنەمایێ بەڵگان دا بکەن، سەرکردایەتیا دەستپێشخەریێن مەیدانی بکەن، و هۆشیاریەکا بەردەوام د ناڤ جڤاکی دا بەلاڤ بکەن سەبارەت ب رێڤەبرنا بەردەوام یا ژێدەرێن ئاڤێ.
* شیانپێدانا گەنجان بۆ نیاسین، شیکارکرن و چارەسەرکرنا ئاریشەیێن ژینگەهی یێن خۆجهی یێن گرێدای ب ئاڤێ ڤە.
* ئاڤاکرنا شیانێن گەنجان د بوارێن ڤەکۆلینا زانستی، کۆمکرنا داتایان، شیکارکرن، و پلاندانانا هەڤپشک دا.
* بهێزکرنا هەماهەنگیێ د ناڤبەرا زانکۆیان، دامەزراوەیێن حکومی، و رێکخراوێن جڤاکێ سڤیل دا.
* دارشتن و جێبەجێکرنا چارەسەریێن واقیعی، کو ل سەر بنەمایێ داتایێن مەیدانی و ڤەکۆلینان هاتبنە ئاڤاکرن.
