پوختە (Overview)

گروپێ Navy، کو پێکهاتیە ژ قوتابیێن زانکۆیا دهۆکێ، پڕۆژەکێ PAR دگەل یونسێف ئەنجامدا بۆ دیارکرنا کـارتێکرنا پیسبوونا پلاستیکی ل سەر ئاڤێ ل دهۆکێ. ئارمانج هەڵسەنگاندنا ئاستێ هۆشیاریا جڤاکی، ب رێکا پێشڤەبرنا شێوازێن رێڤەبرنا پاشماوان، و پێشکێشکرنا چارەسەریێن پراکتیکی بوو بۆ پاراستنا ژێدەرێن ئاڤا لۆکالی.

کارێن هاتیە ئەنجامدان (What We Did)

* ئەنجامدانا ٢٠ هه‌ڤپەیڤینان دگەل سەرکردە، پەروەردەکار، و شارەزایێن بواری ساخلەمیێ.

* ئەنجامدانا ١٥ کۆمۆنێن گەنگەشەیێ ل دەڤەرێن باژێڕی و گوندان.

* بەلاڤکرنا ١٧٦ ڕاپرسیێن گشتی ل سەرجەم تەخ و چینێن جڤاکی.

* پێداچوونە ل سەر نموونێن جیهانی (وەک ڕواندا، ئەڵمانیا، و کۆریا باشوور).

* شیکارکرنا ژێدەرێن پیسبوونێ، ڕەفتارێن گشتی، و ڤالاهیێن یاسایی.

دەرئەنجامێن سەرەکی (Key Findings)

* ٦٠٪ یا پشکداران پیسبوونا پلاستیکی گرێدا بوو ب دابەزینا جۆریەتیا ئاڤێ.

* پاشماوێن هەرە بەربڵاڤ: بتڵێن پلاستیکی، بەرهەمێن گەشتیاران، و کەرەستێن ئاڤاهیان.

* جڤاک پلاستیکی وەک ماددەکێ زیانبەخش دبینیت، بەلێ زانیاری ل سەر کێشەیێ د سنووردارن.

* رێڤەبرنا پاشماوان ژ لایێ دەسهەڵاتداران ڤە وەک خالەکا لاواز دهێتە دیتن.

* پشتەڤانیەکا بهێز هەیە بۆ قەدەغەکردنا پلاستیکێن ئێکجار بەکارهێنان و سیستەمێن ڕیسایکلینێ.

ڕاسپاردەیێن تیمێ (Team Recommendations)

* دەستپێکرنا کەمپینێن هۆشیاریێ یێن لۆکالی و پڕۆگرامێن قوتابخانان.

* قەدەغەکرنا پلاستیکێن ئێکجار بەکارهێنان و جێبەجێکرنا غەرامەیێن دارایی ل سەر هاوێژتنا پاشماوان.

* ئاڤاکرنا کارگەهێن ڕیسایکلینێ و ژێرخانا ئاڤا پاقژ.

* بەکارهێنانا تەکنۆلۆژیایێ: وەک ئامرازێن GIS، ڕیسایکلینا کیمیایی، و پاقژکرنا ئاڤێ.

* پشکدارکرنا کۆمپانیان ب ڕێکا کێمکرنا باجێ و پێشکێشکرنا هاندەرێن ژینگەیی.

دەرئەنجام (Conclusion)

پاشماوێن پلاستیکی ئەگەرێ سەرەکی یێ پیسبوونا ئاڤێ نە ل دهۆکێ. سەرەڕای هەبوونا هۆشیاریێ، کەلێنێن ژێرخانێ، یاسایی، و دارایی ڕێگرن لەبەر پێشڤەچوونێ. بەلێ ب هەبوونا بەرهەڤیا جڤاکی، مۆدێلێن نێودەوڵەتی یێن سەرکەفتی، و هەڤپشکیێن ستراتیژی، دهۆک دشێت ببیتە باژێڕەکێ نموونەیی بۆ ئاڤا پاقژ و ژینگەکا ئازاد ژ پلاستیکی.