پوختە (Overview)

کۆما جیهانا شین (Blue Planet Group)، کو ژ قوتابیێن زانکۆیا دهۆکێ پێکهاتیە، ب هەڤکاری دگەل یونسێف ڤەکۆلین ل سەر ڕیسایکلینا ئاڤا گران (ئاڤا پاشماوە یا دەستشوویان ، حەمام، شوشتنا جلان و هتد...) وەک چارەسەریەکا بەردەوام بۆ کێمئاڤیێ ل دهۆکێ ئەنجامدا.

کارێن هاتیە ئەنجامدان (What We Did)

* ئەنجامدانا ڕاپرسیێ دگەل ٥٠ پشکداران ژ مال، نەخۆشخانە، جهێن شوشتنا ترومبێلان، و وێستگەهێن ئاگرکوژاندنێ.

* گرێدانا کۆمۆنێن گەنگەشەیێ و هه‌ڤپەیڤینان دگەل جۆتیار و پەروەردەکاران.

* هەڵسەنگاندنا چار ڕێکێن چارەسەرکرنێ: فیزیکی، میکانیکی، بایۆلۆژی، و کیمیایی.

دەرئەنجامێن سەرەکی (Key Findings)

* ٥٣٪ ناڤێ ڕیسایکلینا ئاڤا گران بهیستبوو.

* ٨٥٪ پشتەڤانی ل دووبارە بەکارهێنانا ئاڤا گران دکر، ب تایبەتی بۆ ئاڤدانا باخچەیان (٥٦٪) و شوشتنا توالێتان (٣٣٪).

* مفایێن سەرەکی: پاشەکەفتکرنا دارایی، پاراستنا ئاڤێ، و پاراستنا ژینگێ.

* ترسێن سەرەکی: تێچوون و توانای دارایی (٤١٪ نە پشتراستبوون)، هێمنی، و ب گەرەنتیا فلتەرکرنا باش.

* ڕێکێن پەسندکری بۆ هۆشیاریێ: کەمپینێن میدیایی (٤٥٪)، سمینار، وۆرکشۆپ، و گەهشتنا حوکمەتی بۆ ناڤ خەڵکی.

ڕاسپاردەیێن تیمێ (Team Recommendations)

* بلندکرنا هۆشیاریێ د ڕێكا ڕاگەیاندن، قوتابخانە، و وۆرکشۆپێن جڤاکی دا.

* دابینکرنا پشتەڤانیا دارایی بۆ پشتەڤانیکردنا مالان ل سەر پەیڕەوکرنا ڤێ ڕێکارێ.

* دانانا ڕێنماییێن نیشتمانی بۆ ئاڤا گران و تێکەڵکرنا وێ د ناڤ یاسایێن نوو یێن ئاڤاهیان دا.

* پێشخستنا تەکنۆلۆژیایا فلتەرکرنێ یا کێم تێچوو.

* فراوانکرنا وێستگەها چارەسەرکرنا ئاڤا پاشماوە یا دهۆکێ (کو نوکە ٨٥٪ یا هاتیە بجهئینان).

* پشکدارکرنا جڤاکێن لۆکالی د ڕاهێنان و چاودێرێ دا.

دەرئەنجام (Conclusion)

حەزەکا بهێز یا جڤاکی هەیە بۆ ڕیسایکلینا ئاڤا گران ل دهۆکێ. ب هەبوونا پەروەردەکا دروست، هاندەر، و ژێرخان، دووبارە بەکارهێنانا ئاڤا گران دشێت ب شێوەیەکێ بەرچاڤ فشارێن سەر ئاڤێ کێم بکەت و پشکداریێ د گەشەپێدانا بەردەوام یا باژێڕی دا بکەت.