راهێنانەکا هاڤینێ
هویرکاریێن ڕێکارێ:
- ڕێڤەبەر داخوازنامەیەکا فەرمی ب ڕێکا ئیمەیلێ بۆ کۆمپانیێن پەیوەندیدار ئامادە دکەت و دهنێریت، ب مەرەما وەرگرتنا ڕەزامەندییا ڕاهێنانێ ل دویڤ نموونەیا ژمارە (QF-CDC-01).
- فەرمانبەرێ پسپۆرێ پیشەیی (Career Specialist) دویڤچوونا وان کۆمپانییان دکەت یێن کو بەرسڤ نەدای، ئەڤە ژی ب ڕێکا پەیوەندیا تەلەفۆنی یان سەرەدانەکا مەیدانی.
- هنارتنا نڤیسارێن فەرمی بۆ کۆلیژێن پەیوەندیدار ل دۆر هویرکاریێن کورسیێن (مەقاعێد) وان ل دویڤ نموونەیا (QF-CDC-03) بۆ ئاگەهدارکرنا قوتابیان.
- ڕاگەهاندنا کورسیێن تەرخانکری ژ لایێ کۆمپانییان ڤە ل سەر لاپەڕێ فەرمی یێ سەنتەری.
- فەرمانبەرێ پسپۆرێ پیشەیی لیستەکا ناڤێن قوتابیێن بەربژێر بۆ ڕاهێنانێ ل دویڤ نموونەیا (QF-CDC-04) ئامادە دکەت.
- هنارتنا نڤیسارەکێ بۆ کۆمپانییان ب ناڤێن وان قوتابیێن هاتینە جێگیرکرن.
- فەرمانبەرێ پسپۆرێ پیشەیی سمینارەکا ڕوونکرنێ ل دۆر ڕاهێنانا هاڤینی ل کۆمپانییان و چەوانیا پڕکرنا فۆرمان و نڤیسینا ڕاپۆرتا دوماهیێ پێشکێش دکەت، یا کو هاتییە پەسەندکرن ل دویڤ ڕێنمایێن وەزارەتا خواندنا بلند (UoD-GID-01).
- کۆمەکا فۆرم و لیستان ڕادەستی قوتابی دهێنە کرن کو پێکدێن ژ: (گرێبەستا ڕاهێنانێ QF-CDC-05، لیستا چالاکیێن ڕۆژانە QF-CDC-06، فۆرمێ هەلسەنگاندنا قوتابی QF-CDC-07، فۆرمێ هەلسەنگاندنا کۆمپانیێ QF-CDC-08، ڕاپۆرتا دوماهییا ڕاهێنانێ).
- ل دویڤ مەرجێن وەزارەتێ، پێدڤییە قوتابی ١٠٠ دەمژمێرێن ڕاهێنانێ ل کۆمپانیێن کەرتی تایبەت ب دوماهیک بئینیت.
- فەرمانبەرێ پسپۆرێ پیشەیی کۆمەلا فۆرمێن داخوازکری یێن کو ژ لایێ قوتابی ڤە هاتینە پڕکرن ل دوماهییا ڕاهێنانێ کۆم دکەت، و پاشان داخوازا باوەرنامەیا ب دوماهیک ئینانا ڕاهێنانێ ژ وەزارەتێ بۆ قوتابیێن پشکدار دهێتە کرن.
- نویژەنکرنا لیستا کۆمپانییان (LST-CDC-01) و لیستا قوتابیان (LST-CDC-02) ل سەر بنەمایێ پێزانینێن ژ ئەنجامێ ڕێکارێ ڕاهێنانێ (QP-CDC-01) پەیدا بووین.